LUKA 24:44 - PIPÏLIA

⁴⁴ Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”

LUKA 24:44 ပူးပေါင်းရင်းမြစ်များ

TOWUNÖT 14:18

Kwipchï Melkisedek pöytoghinto Salem nyo kile tïsinto Tororöt nyo Töror Tya Apram makatyan nko kumi sapipun,

TOWUNÖT 22:18

Soyönöy kegh asïyech pipö punton cho pö ngwïny kïmïkul, ompöwölo keteranyi kutinyan.”

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

TUMWÖY 118:22

Kiwaghaka köghay kitagh tekï, kïlïkwï kinyiwut nyo wow.

ISAYA 28:16

Anyï ye nyu kïgh nyo mwowu Echotyon TORORÖT Kimuktoghin lö, “Otöninan Sayon kogh nyo tighöy kö, kogh nyo kiketyam, kogh nyo töpuno luch nyo pö olyot nyo wow, tighöyonto kö nyo pö man, melö kuskusöy chi nyo ghanate.

ISAYA 52:13

Mwoghöy ECHOTYON lö, “Ighöy mötworintenyan ompö ngöghomnyö, kïsyolöy parak akekonyït tya.

ISAYA 7:14

Kïlenyona nyu konokwa Echotyon nyinte kiporunöt. Arosa lö sïkisïyi mïrar akïyï worö nyo kuro kaynenyi Imanuel.

ISAYA 9:6

Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

YEREMIA 33:14

Lentöy ECHOTYON, “Itïtöy ato opuntenan ayomis nyo kyaman nko pipö Israel nko Yuda.

ESEKEL 17:22

Lentöy Echotyon TORORÖT ante kegh nyo achengöy walisanyi tarakit cho koghöch. Atolapay okötkötyan kutïng nyo kogh.

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 7:13

“Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

AMOS 9:11

Lentöy ECHOTYON, “Itu asis nyo ongetan paytaghpa ara Daudi nyo kirul, atek ngat nïyetkö cho kirulyö le otini kimi tagh.

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

SAKARIA 14:4

Ghyongo nyinte asisoni kutïng pö Arol nyo mi okumpö kongasis nyo pö kanasyanta Yerusalem. Köreroy asisoni kutïng pö Arol kwen ompö mpöghogh nyo tapes kïngeta kongasis ntökwit ta. Mi karerane akong kuntoka kïmi anka kumporö.

SAKARIA 6:12

Atomuchö, imwochï lö lentöy ECHOTYON Kimuktoghin, arosa, pitunoy chi akong atoni mi nyo kïkuro Morïn!

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

KIYITUT 21:8

Kïlenchï ECHOTYON Musa, “Igha moroyo karïn aikach sökotïn, chi anka tïkwïl nyo kasïr moroya akïtopön moroyononi kïsöpöy.”

KIYITUT 35:25

Söru nyu pich pörintonay ompö mori kitökin akuyokyï kanasyantanay kïryoghchini, nyo kerïpchini nyinte, töpo nyu wöloni ntökïtenö kïrapas chi nyo köle Tïsin nyo Wow* osiswechoni.

MATAYO 1:22

Kighisyö ngalechï löwïr kïpïntö lö man ngölyon nyo kimwa Echotyon ompö kuti werkoyon lö

MATAYO 16:21

Kutor Yeso kïngeta atoni kuporchï kinetankachi lö, “Mïchinanïn owan atang Yerusalem atökuchopanïn kong poyï nko tïsï cho echön nko koneti kirurut ompö wölini, akïtïghanïn, wölo otutunan asispa sömök.”

MATAYO 26:54

Wölo itïtoy lö ne Kikirut chay mwoghöy lö, ighisyot ngalechi nyo mötïny?”

MATAYO 26:56

Wölo keghisyö ngalechï le nyete ntökwitïta ngala werkoy cho kikikir ompö Kikirut lö.” Kïpïstö nyu kinetankachi löwïr nyinte akupertoy.

MARKO 9:31

Ompöwölo kimi kunetöy kinetankachi lö, “Karich kyonkoghchï Wero Chi pich kepar nyinte, wölo nyini kemuchö parata kututu nyinte asisto sömök.”

LUKA 21:22

Ompöwölo osiswechete kï Osis cho tököy Tororöt pipö Israel atökïpïntö ngala löwïr cho mwoghöy Kikirut.

LUKA 22:37

Omwowokwa lö, itïtoy ompö ani Kikirut nyay lentöy, ‘Kikinyoryö nyinte nko chelölos,’ Ompöwölo itïtoy nyo mötïny ngala löwïr cho kikikir ompö parakunyan.”

LUKA 24:46

akïlenchï, “Kikikir lö, wongu akïma Kristo nyo mötïny akututï asisto sömök

LUKA 9:22

Kïmwochï chane ngat lö, “Mïchini Kuwongu Wero Chi nyoman, töghöy nyinte poyï nko tïsï cho echön nko koneti kirurut. Kïpöröy nyinte kïma, akwompö asispa sömök ketutunö wölo mi pich cho kimeghö.”

LUKA 9:44

“Akapa yitikwo ater ngalechï ompöwölo kitöni Wero Chi mori pich.”

YOANA 3:14

“Kïle wölanye kisyoltö Musa moroy ompö surkwen, kïmötïnye tïkwïl kesyol Wero Chi parak,

YOANA 5:39

Omitekwa osyoköy Kikirut, amitö olentöy kïsïko söpon pö kokay Kikirutchoni, wölo ngölonenanïn ngalechoni chane!

YOANA 5:46

Ntökyaghanakwa Kirurut pö Musa, kötö oghönekwa ngalechï omwowokwa, ompöwölo kikir nyinte ngalechan.

IGHISYEWUT 13:33

kikwighwecha nyete, acha, cho kichï monekwa, otini kinget Yeso. Kïle wölo kikikirta ompö tumwöyi Salat nyo pö odeny lö, ‘Ichinyi werïnyan, koyiyinyi asete!’

IGHISYEWUT 13:40

Okïr kegh nyu tömönyorwok ngala cho kimwa werkoy lö,

IGHISYEWUT 2:27

Ompöwölo mepïsinenyinye söpontönyan ngwen amelö ichömchinenyi mötworintengu Nyo Tïlil kïnyorï kiwurat.

IGHISYEWUT 3:18

Wölo kimwowï Tororöt könyisyok kuwerï werkoy lö, kinyörilöy Kristo tanyi nyo mötïny, akikwigh nyinte ngölyontononi kïpïntö.

IGHISYEWUT 7:37

Chichoni le Musa nyo kïlenchï pipö Israel, ‘Yokwokwa Tororöt nyo ngwïno pikökwa werkoyon, le wölini kiyokwanïn.’

EPRANIA 10:1

Ompöwölo ki rurwö kwïle kirurut cho pö tïkwïn cho karamach cho melö körkeyïn lasiny nyo pö ngale chunö le chane. Memukönye nyu amörostinechoni kïroptoy osis löwïr ompö könyi anka tïkwïl ntökwigh pich cho soghöy kïtïlilöchitu.

EPRANIA 3:5

Ki mötworin Musa nyo kikighönöy ompö Kö pö Tororöt kïmïkul, akïngalana ngal lapay cho mwowu Tororöt ato le asïyech.

EPRANIA 7:1

Ki pöytoghinto Salem Melkisedek aki tïsinto Tororöt nyo Töror Tya. Kituyö nyinte nko Apraam otini kimïlegho poryot nyo kipara pöytoghï angwan, kusoyön Melkisedek nyinte.

EPRANIA 9:8

Netöy Mïkulögh nyo Tïlil lasiny kïngetunö tötutchoni löwïr lö kitomönye keyat or nyo lïtöy Wölo Tïlil Tya* otini kitökughyongöy emanay pö sany.

1 PETRO 1:11

Kimukyï chane kunkïtï lö, itu oyï akwosis cho nenach choni kiporchini chane Mïkulöwu Kristo nyo kimi oringwa, otini kimi kïngoröy paraku kiwongunöt nyo kïnyoru Kristo nko ororyö nyo rïpuchoni.

NGONGUT 19:10

Opïtyan kelyechi tasagh nyinte, wölo kïlenchanïn, “Ewo, mesoghanïn! Ochan mötworin nyo karkegh nko nyi nyo pöghisyechini Tororöt nko tupcheniku cho kikesöwintönchï tïkwïl man nyo kingongwech Yeso. Sagha Tororöt!” Ompöwölo kïgh nyo töni werkoy owesyö kwamta ngölyonto Tororöt kï man nyo kingongwï Yeso.