LUKA 24:19 - PIPÏLIA

¹⁹ Kïtep Yeso lö, “Ne tïku?” Kuyokyï lö, “Tïkwïn cho kighisyö ompö Yeso nyo pö Nasaret, nyo kile werkoyon nyo awes ompö ighisyewutkachi nko kinetutkachi ompö tawu Tororöt nko nyo pö pich löwïr.

LUKA 24:19 ပူးပေါင်းရင်းမြစ်များ

MATAYO 21:11

Kuyokyï söpïchini lö, “Werkoyon Yeso nyo ngwïno Nasaret koro Kalilaya.”

MARKO 1:24

“Kïtïngetecha ne nko nyi nya Yeso nyo ipo Nasaret? Kengwïnanyi iparecha? Onkïtön nyoman lö, ichinyi Nyo Tïlil nyo pö Tororöt.”

LUKA 24:18

Atolapay kïtep akonga nyo kïkuro Kleopas lö, “Nkï töptoy ichinyi ton onkït ompö Yerusalem nyo tomö nkïtunö tïkwïn cho keghisyeghö wöloni ato lekït?”

LUKA 7:16

Kïnam mïghötö pïchay löwïr, akïsal Tororöt kilentöy, “Kechumuna kwenuncha werkoyontö nyo wow! Kengwïn Tororöt kïsörï pikachi!”

YOANA 3:2

Kungwïn chichoni wölo mi Yeso oghö akïlenchï, “Konetin, kinkïtöcha lö ichinyi chi nyo kiyonï Tororöt, ompöwölo möminye chi nyo muköy kwighöy kiporutchï ighenyi ato möminye Tororöt nko nyinte.”

YOANA 4:19

Kuyokyï kokonay lö, “Nkasïwan lö ichinyi werkoyon, nya Echotyon.

YOANA 6:14

Otini kisïwa pïchoni kiporunötononi kigh Yeso, kïlö, “Anyï nyu nyoman werkoyontonay kikïngor lö ngwïnöy!”

YOANA 7:52

Keyokyï nyinte lö, “Kengwïnenyi Kalilaya so tïkwïl? Yare ya ompö Kikirut atesïwena lö möminye werkoyon kokay nyo ngwïno Kalilaya!”

IGHISYEWUT 10:38

Onkïtökwa ngala Yeso nyo pö Nasaret, wölini kitöntö Tororöt nyinte Mïkulögh nyo Tïlil nko owesyö. Kiwestö wop lapay, akwighchï pich nyo karam, akusop pich lapay cho kökikïrïnta Onyötö, ompöwölo kimi Tororöt nko nyinte.

IGHISYEWUT 2:22

“Atere ngalechï pipö Israel! Yeso nyo pö Nasaret kï chi nyo kikïla Tororöt kwenunkwa akutö ighisyö nyo pö owesyö nko töngönchin nko kimukat nko kiporunöt cho kigha Tororöt kwenunkwa ngalechoni kuwerï Yeso le wölo onkïtïtekwa so.

IGHISYEWUT 7:22

Kenet Musa ngöghomnyö anka tïkwïl nyo pö pipö Misri, kïlïkwï chi nyo wow ompö ngalechi nko pöghisyewutkachi.

KINONO KIRURUT 18:15

“Nyinö köteghöy lenyoni, kïyonwokwa nyinte werkoyon nyo karkegh nko ani, nyo ngwïno pikökwa kegh. Oterchï nyu ngalechi.