LUKA 23:34 - PIPÏLIA

³⁴ Kïlö Yeso, “Löstoghchinö chane, Paponyu, ompöwölo menkïtcha kini ighöy.” Kuporchï kegh sïrokachi, kïpöghisyeghö kura.

LUKA 23:34 ပူးပေါင်းရင်းမြစ်များ

TOWUNÖT 50:17

‘Olenchinö Yosep osoghinyi lö lastena lelutko werkökwo nko ngokikwa ompöwölo kiwunyi ghöyityö.’ Kïsoghecha nyi ye lö lastena lelut pö mötwori Tororöt pö papongu.” Nyini kimwochï Yosep lenyini kïmuny lok kong akïlok.

TUMWÖY 22:18

Omo pkiryot sïroköchan akuporchï kegh achane.

ISAYA 53:12

Kïlenyona otöninan nyinte kïtöpo ato töror, atökupar pöröw nko pich cho owesöch. Ompöwölo kichamta kegh nyinte kepar, akïcham keyitïtö nyinte akonga nko mwokïyis. Kikasan nyinte ngoki pich cho chang, akïsoghchï chane tökelöstoghchï ngokikwa.”

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

MATAYO 11:26

Owöy, Papo, ompöwölo kichamanyi nyinte lenyoni.

MATAYO 5:44

Wölo omwowokwa ye nyu lö, ‘Achama punkökwo asoghchï pich cho chopokwa kong,

MARKO 15:24

Kïwudochï kimurtöwon akupar sïrokachi, kilasta chane kwegh kïtomö kupar sïrochoni atökïcheng chi nyo köchïnchï nyinte.

LUKA 22:42

lö, “Papo, ato ichömenyi, ichengena kikomponï pö kiwongunöt. Amelö nyu machatenyan, wölo nya kwigha machatengu.”

YOANA 17:9

“Osoghchinan chane, mosoghchinanye ngwïny, wölo osoghchinan pïchoni kikonaninyi, ompöwölo cheku chane.

YOANA 19:11

Kuyokyï Yeso lö, “Melö kötetïngetenyi paytagh nyonikïny ompö ani ntömökikoninyi Tororöt. Kïlenyona, tïng ngokï cho chang tya chichoni kemïtwanïn wölo imitenyi.”

IGHISYEWUT 16:28

Wölo kuteghchï Paulö, “Mepar kegh! Kïmitecha yete lapay.”

IGHISYEWUT 3:17

“Kïlenyona ye nyu tupchenichu, onkïtön lö kyaghakwa nko kintöghoghikwo lenyoni ompö sölwontön.

IGHISYEWUT 7:60

Kïkïtïng akuta ompö kut nyo wow lö, “Echotyon meyityï chane ngokichete!” Kïkany kuwany ngalechoni kïma.

RUMI 12:14

Osoyönö chane cho chopokwa kong, osomchinö kisoyönöt, mochïp.

1 KORINTO 2:8

Möminye pöytoghinto ngwïnyinï nyo pköchini ngöghomnyoni. Ntökinkït kitömelö wudochini chane Echotyonto ororyö kimurtöwon.

1 KORINTO 4:12

Kïsïngonecha ighisyewut cho kighonecha moricho. Kisoyönecha pich cho chopecha kong akemïkukönöy ato mïrchecha chane put.

1 TIMOTEO 1:13

kïrkegh ato le tagh kyochïpön nyinte achop kong amwagh. Wölo kisyonchanïn Tororöt ompöwölo kitomönye osïkön kighanat, nyo kimonkïtönye kïgh nyo kyoghöy.

1 PETRO 3:9

Matak ghöyityö ompö ghöyityö anka anta chïpö ompö chïpö anka, nyinö kötoghöy lenyoni, asagh Tororöt kusoyön chichona chïpokwa, ompöwölo kisoyönöt nyoni kiyomiswokwa Tororöt otini kikurokwa.