LUKA 22:52 - PIPÏLIA

⁵² Atolapay kïlenchï Yeso tïsichay echön nko echot pö ripi Kö pö Tororöt nko poy chini kipka kïnam nyinte, “Ochan so chelölosyon topkonchanïkwa nko chokon nko runkun?

LUKA 22:52 ပူးပေါင်းရင်းမြစ်များ

2 PÖYTOGHÏ 11:15

Kïmwochï tïsintonay le Yeoyada askarinechay kiripöy köyay pö ECHOTYON lö, “Onömunö nyinte kungwïna kwenu pich. Ato mi chi anka tïkwïl nyo lentöy otököwu nyinte apar tïkwïl.” Kimwa tïsintononi lenyoni ompöwölo melö kimököy kepörchini Ataliya Kö pö Tororöt.

MATAYO 26:47

Nyini kitökïngölonöy Yeso, kuchumï Yudas nyo kile akonga ompö kinetankachi chay le taman nko odeny. Kimito nyinte nko söpïch pö pich cho kitïng chokon nko runkun cho kiyonï tïsï cho echön nko poyi pipö Yaudi.

MATAYO 26:55

Atolapay kïngölonchï Yeso tuyonay pö pich kïlenchï, “Kaghanïkwa so le pkatyan tapkanakwa nko chokon nko runkun anamanïn? Nkomitan nko akwa ompuröy anetisïyi kïnomnyö ompö Kö pö Tororöt* akimöminye ato kyanamanïkwa.

LUKA 22:37

Omwowokwa lö, itïtoy ompö ani Kikirut nyay lentöy, ‘Kikinyoryö nyinte nko chelölos,’ Ompöwölo itïtoy nyo mötïny ngala löwïr cho kikikir ompö parakunyan.”

LUKA 22:4

Kïlenyona, kïwö Yudas kïngalan nko tïsï cho echön nko yetïntino ripi Kö pö Tororöt,* kingölonöy or nyo kimuköy Yudas kwipchï Yeso chane.

LUKA 22:51

Wölo kïlo Yeso, “Pïstenö, nya kïten.” Kïswany atay kömi yit pö chichay akusop.

LUKA 22:53

Kyomitan nko akwa kïnomnyö ompö Kö pö Tororöt amöminye chi nyo kinamanïn. Wölo pöroyïntonkwa nyete, otini tökïtïngetö tuwïn owesyö nyo pöytoy.”

YOANA 17:12

Kyakamanan chane atanye kitomitan nko chane ompö owesyeto kaynengu, kaynananye kikonaninyi. Kyoripön chane akimöminye nyo le ompö akonga ompö chane nyo kipot, kïpoto chichanye le kipotin atökwitïta lö man Kikirut.

IGHISYEWUT 5:26

Kïwö nyu yetïnay nko askarinechi kumïtï kiyoktoghï, amelö ompö kichiköt ompöwölo kiwagh lö, wiro pich chane koghïn.