LUKA 22:44 - PIPÏLIA

⁴⁴ Akwotini kilïmchï kegh ngwonïn nyo wow ompö mïkulöwunyi, kïtas kïsagh tya, kïwöghökisyö kighotichi kïkarkegh nko kisön cho ntökitökï ngwïny.

LUKA 22:44 ပူးပေါင်းရင်းမြစ်များ

ISAYA 53:10

Wölo ki machata ECHOTYON kuwongwï nyinte. Kïlïkwï meghenyi amöros nyo ipu lastaghpa ngokï. Sïwïyi asïyech piko arenyi akïtöpö osis cho chang, akulïtito machata ECHOTYON ompö ewunyi.

LOK 1:12

Akïrirchï chi anka tïkwïl nyo kiwetöy arenyi kïlentöy, “Ayo, moyongekwanye so kïgh? Arosïtene köny! Ngo nyo kikïnyorï nyarïl nyo lata nyï konyorunan ECHOTYON ompö asispa nörekyenyi nyo ngwan?

LUKA 22:45

Kïkany kïngetunö saghatenyi, kïmïla wölo mi kinetankachi. Kutomtö rusot, kyoghöcheghö nyarïlwok.

YOANA 12:27

“Wongunote mïkulöwunyan. Omwoghan ne nyo ye nyu? Amwaghan lö, ‘Paponyu sörunenante sayanete?’ Ewo, ompöwölo nyoni nyo kyongwïnchan atawer sayanoni pö kichopat.

RUMI 8:32

Nyinte nyini maghet Werïnyi kegh, wölo kikonï nyinte le amöros ompö acha löwïr. Akwato kigh lenyoni, kïmemukönyenyu kïkonecha nyinte tïkwïn löwïr cho karamach?

EPRANIA 5:7

Kisagh Yeso Tororöt nyo kimuköy kïsöruno nyinte meghat akïrirchï atanya kimi ngwïnyinï. Kïterchï Tororöt nyinte ompöwölo kipöghisyechini nyinte Tororöt.