LUKA 22:36 - PIPÏLIA

³⁶ Kïlenchï Yeso, “Wölo ye ato itïngetö chi ropïyen anta mïlot ip. Akwanka tïkwïl nyo metïng chok kïmïchini kwalta sïrenyi atökwal.

LUKA 22:36 ပူးပေါင်းရင်းမြစ်များ

MATAYO 10:10

amop mïloto okörö ato orutoy anta syatin odeny anta kwegh anta lïkïp, ompöwölo mïchini kïsïkö chi omisyö pöghisyenyi.

LUKA 22:35

Atolapay kïlenchï Yeso chane, “Atanye kyayontekwa kïpuryö ropïyen anta mïlot anta kwegh kïgh nyo mi kyachopakwa?” Kïlö, “Ewo.”

LUKA 22:37

Omwowokwa lö, itïtoy ompö ani Kikirut nyay lentöy, ‘Kikinyoryö nyinte nko chelölos,’ Ompöwölo itïtoy nyo mötïny ngala löwïr cho kikikir ompö parakunyan.”

LUKA 22:38

Kïlö kinetankachi, “Rose köny, Echotyon, kïtïngetecha chokon odeny.” Wölo kimöpköchïnye kïyinö kimwoghöy Yeso kïlenyona kïlenchï Yeso chane, “Nya kïten.”

YOANA 15:20

Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

1 TESALONIKE 3:4

Ompöwölo kikïnyaghacha kemwowokwa atanye kitökemitenöcha nko akwa lö tökechopecha kong onkïtökwa lö kigha lenyini kikïmwaghacha.

1 PETRO 4:1

Ompöwölo kiwongwï Kristo* ompö por, mïchinokwa tïkwïl okile kegh ompö keröt nyo kitïng nyinte ompöwölo chi nyo kikïcham kuwongwï ompö por akwompö kighanatenyi kï kikuchal ngokï.