LUKA 20:36 - PIPÏLIA

³⁶ Melö tökïmeghsot chane ompöwölo möngisïyi le malayken akï monïngo nyinte nyo Töror tya, ompöwölo kiketutunö chane ngwen.

LUKA 20:36 ပူးပေါင်းရင်းမြစ်များ

ISAYA 25:8

Wuröy Echotyon TORORÖT Kimuktoghin meghat kokay! Miso nyinte lok konyi pich lapay, akïchenga arasï nyo kökikuwongunö pikachi ompö ngwïny kïmïkul. Ompöwölo ECHOTYON nyinte nyo kangalan.

OSEA 13:14

Oghetunonan chane owesyo ngwen, asörunan chane meghat. Mi onö ngwonengu nya we meghat? Akï mi onö kiwuratengu nya we ngwen? Melö totïngetan kisyonchin ompö akwa nyonikïny.

SAKARIA 3:7

“Lentöy ECHOTYON Kimuktoghin, ato irïpanyi ortïnechan aigh pöghisyenyan lenyini komwowunyi oghinyi lïkuna tïsin nyo ghyongchini Konyan ori nko santa tïkwïl. Ochömunyi nyonö ghyongenö tawunyan le malaykenichï mi yi.

MATAYO 22:30

Ompöwölo otini tutu cho kimeghö kïwöghökisyot kïkarkegh nko malayken ompö yïm, melö kensïyi chane anta kip.

MARKO 12:25

Ompöwölo ato tutunö pich ngwen, kïwöghökisyot kïkörkeyitu malaykeni yïm, mökensïyicha chane amelö kipöy.

RUMI 8:16

Söwintönchin Mïkulöwunoni pö Tororöt nko mïkulöwecha lö, kichicha mönïngo Tororöt.

1 KORINTO 15:26

Punyon nyo pö löt nyo kinyoröy, kï meghat.

1 KORINTO 15:42

Kïlenyenyoni tïkwïl kitutunöto pich cho meghsot, kïtïpchini por ngwïny ompö otöp nyo nïnöy le kösïghyon, wölo kighöy kututï ompö otöp nyo melö nïnöy.

1 KORINTO 15:49

Kïle wölini kïkörecha kegh nko chichoni kikigha nyïngwïtyan kekörecha kegh tïkwïl nko chichoni kingwïna yïm.

PILIPI 3:21

nyo wöghököy porwoyicha chï nyörkölöl akwigh kïkarkegh nko portanyi nyo pö ororyö, ompö owesyö nyo muköy kï pöyuno tïkwïn lapay.

NGONGUT 20:6

Soyönote kïtya chi nyo nyoru kitutunötononi pö tagh kikïkonï kegh chichoni ompö pöghisyo Tororöt mökwidonye kïgh pich cho le choni meghat nyo pö odeny. Lïku chane tïsi Tororöt nko cho pö Kristo akïpöytoy nko nyinte könyis elpu akonga.

NGONGUT 21:4

Misöy nyinte Tororöt lok cho mi konyikwa akïmökïminye meghat kokay, amökïminye lok ompöwölo kama chi, anta rirat anta kichïr ompöwölo kikuwer tïkuchay pö tagh.”

NGONGUT 22:9

Wölo kïlenchanïn, “Ewo mesoghanïn! Ochan mötworin le nyi nko tupcheniku chay le werkoy nko chane tïkwïl cho rïpöy ngal cho mi kitapunï. Sagha Tororöt!”