LUKA 20:35 - PIPÏLIA

³⁵ Wölo pich cho töni Tororöt kimukat kututuna ngwen atökïmïl söpon osis cho pkonöy, kïmökensïyicha anta yilta monekwa.

LUKA 20:35 ပူးပေါင်းရင်းမြစ်များ

MATAYO 12:32

Akï chi anka tïkwïl nyo ngölono kïgh nyo gha Wero Chi, kelöstoghchini, wölo anka tïkwïl nyo ngölono kïgh nyo gha Mïkulögh nyo Tïlil nyo melö kïlïstoghchini ompö nyete le ye nko kokay.

MATAYO 22:29

Kuyokyï Yeso chane lö, “Ochikwa lelote nyoman ompöwölo monkïtökwanye kirurut anta owesyo Tororöt!

MARKO 10:42

Kïkur Yeso chane löwïr akïlenchï, “Onkïtökwa lö pöghisyegho pich cho kiyitöy lö pöytoghi pipö Punton kat otini pöytoy pikökwa akwighöy kintöghoghikwa chane kïlïkwï mötwor.

MARKO 12:24

Kïlenchï Yeso, “Nka nyete wölini kyopotyekwa kïlïkwï tömonkïtö ompö Kikirut anta owesyo Tororöt?

LUKA 16:8

“Otini kilïm, ngalechoni kïsal echotyontenyi kighyongtoghintonay ompö chïreryo lïs nyo kitïng. Ompöwölo chïreröch tya pipö ngwïnyinï ompö ortïnekwa kegh, kïtïl pipö löpoyïn.”

LUKA 21:36

Wölo, otöpï kïpsach kïnomnyö asagh tochïwïtyeghenö tïkuchoni pkonöy löwïr, amuch oghyongö tawu Wero Chi.”

YOANA 5:29

akïngetunö chane lapay pïrïmpotikwa, ngetu pich cho kigh nyo karam akïsöpchö, kïngetï chane cho kigh nyo gha atökerwokyï.

IGHISYEWUT 24:15

Atïngetan kighanatanini le akonga tïng chane ompö Tororöt lentöy, tutu pich tïkwïl, cho karamach nko cho ghach.

IGHISYEWUT 5:41

Kïngeta kiyoktoghï Kokwö nko ngörekyö nyo wow, ompöwölo kisïwa lö, mïchini kuwongunö chane kaynata Yeso.

2 TESALONIKE 1:5

Poru ngalechoni lö, pö man kirwoko Tororöt nyo ighokwa nyinte alïkuna pich cho mïchini Pöyunötenyi nyoni omitekwa owonguno.

EPRANIA 11:35

Kikiyokyï kor cho kitïng kighanat poyikwa kïngetunö ngwen kïsötote. Kitagh walaka ketyak kechop kong ntökïmeghö atökumï kïnyorï söpon nyo karam tya otinö ketutunö chane ngwen.

NGONGUT 3:4

Wölo mi walaka ompö Sardis cho ngörï cho melö kyosïmnyonökwa kegh koripökwa sïrokökwo. Opestokwa nyu nko ani, aloköy sïro cho relach, ompöwölo mïchinokwa.