32 Ato mi lötï, kïma kokonay tïkwïl.
Weröy pïnwöy, kuker pïnwöyi walaka, wölo töpo ngwïnya kokay.
Ompöwölo nkït cho sötote lö kïmeghsot, wölo menkïtcha kïgh cho kameghö, akïmelö tökïtïng kinyiwut ngat akewutyeghö chane.
Atolapay kwip nyo pö sömök kokonay. Kirïpkegh lenyoni werchay le mut nko odeny. Kimeghö chane löwïr amosïkïcha kokonay monïng.
Kïtepichanyi ye nyu lö, pöyitu ngo kokonay ato tutï pich? Ompöwölo kikikwip chane kï mut nko odeny kokononi.”
Kïle otino meghöy chi kïnyïl akonga akwoto lapay kïlïkwï kirwoko Tororöt.
Kikany nyu kuwonyö pïnoni kïmïkul, kïpusï pïnta anka nyo kimenkïtnye ECHOTYON akimenkïtnye kïgh nyo kighchï nyinte pipö Israel.
