LUKA 2:4 - PIPÏLIA

⁴ Kïngeta Yosep kanasyanta Nasaret nyo mi Kalilaya akïwö kutang Yudea ntökwit kanasyan nyo kikuro Petleem, wölo kikïyichï pöytoghin Daudi. Kiwö Yosep wöloni ompöwölo kipö nyinte ara Daudi.

LUKA 2:4 ပူးပေါင်းရင်းမြစ်များ

TOWUNÖT 35:19

Kïrapas Rael, ketïpchï arawet nyo wetöy kutöngöy Eprat, nyoni kï Petleem.

TOWUNÖT 48:7

Otini kyomitan ongwïno Padan kïrapas Rael ompö koro Kanan ompö or ato lekïto Eprat, ororchan nyinte or wölini lekïto Eprat.” (Petleem atoni.)

MIKA 5:2

Ngwïnoninyi we Petleem nyo ipo Eprata nyo ichï mïnïng ompö ortïna pipö Yuda pöytoghintö ompö ani nyo lïku pöytoghin ompö Israel pöytoghin kïpö könyisyok.

MATAYO 1:20

Wölo otini kitökïmi kunonsïyi, kungwïnchï nyinte malaykayanta Echotyon ompö kirwotïtogh akïlenchï, “Yosep, wero Daudi, mewagh ip korkengu Marya, ompöwölo kömirsyö nyinte monïng ompö owesyo Mïkulögh nyo Tïlil.

MATAYO 2:23

kïtek katanyi kanasyan nyo kikïkuro Nasaret, kïmang wöloni atökïlïkwï man ngölyon nyo kimwa werkoy lö, “Kïkuro nyinte Nasaretin.”

LUKA 2:3

Kïpa pich tïkwïl atökekir chi anka tïkwïl ompö kanasyantenyi.

LUKA 2:5

Kiwö wöloni atökukir kegh nko Marya, nyo kökikulotokïn akimirsïyi.

LUKA 4:16

Atolapay kïwö Yeso kutang Nasaret, wölini kinara, kïmi asispa Sapato* kïwö le wölo kilata otöptanyi kutang kö pö saghat.* Kughyö atökusomön Kikirut,

YOANA 1:46

Kïtep Natanael lö, “Muköy so kïgh nyo karam kungwïno Nasaret?” Kuyokyï Pilipo lö, “Nyonö rosa.”

YOANA 7:42

Mwoghöy Kikirut lö, ngwïno Masiya* ara Daudi, akeyichini nyinte Petleem, kanasyanta Daudi.”

RUS 1:19

Kïpa nyu kwodeny ntökwitïta Petleem. Nyini kit Petleem, kïtöngönchï pich löwïr ompö kanasyan chane, akïlö korï, “Naomi nyete nyoman nya?”

RUS 2:4

Kungwïna Poas Petleem akïlenchï chane, “Nya kïtöpö ECHOTYON nko akwa!” Kuyokyï pïchay lö, “Nya kusoyönïn ECHOTYON.”

RUS 4:11

Kughan pïchay nko poyi lö, “Owöy, kïchicha söwi, kanya kwigh ECHOTYON kokononi ngwïnöy katangu kïtöpö le Lea nko Rael cho kitek kwodeny ka Israel. Imakositï ompö ara Eprata airumunö Petleem.

RUS 4:17

Kïmïnchï korï cho le pöröris monïngay kaynat, kïkurö Oped, akïlentöy, “Kakïyichï worö Naomi.” Kïlïkwï Oped papoto Yese nyo le papoto Daudi.

1 SAMWEL 16:1

Kïlenchï ECHOTYON Samwel, “Ilöngönchini Saulö nko oyï? Akwanyï isïwïyenyi lö, kataghan nyinte kïlïkwï pöytoghinto Israel? Nyïghita mwagh lal aiwö itang ka Yese nyo mi Petleem, ompöwölo kakïlan akonga ompö werkachi kïlïkwï pöytoghin.”

1 SAMWEL 16:4

Kwigh Samwel lenyini kimwochï ECHOTYON, kïwö kutang Petleem. Kïpka poyi kanasyan kïtarok nyinte akïpotonchot, akïtep lö, “Kengwïnanyi ompö pöghisyö nya?”

1 SAMWEL 17:12

Daudi kï wero Yese nyo pö pipö Eprati nyo ngwïno Petleem nyo pö Yuda. Kitïng Yese werkachi mut nko sömök, akökikïyosit nyinte otini kipöytoy Saulö.

1 SAMWEL 17:58

Kïtep Saulö lö, “Ichinyi wero ngo nya?” Kïlö Daudi, “Ochan wero mötworintengu Yese nyay pö Petleem.”

1 SAMWEL 20:6

Ato masïwanïnye papongu ompö osiswechoni le sömök, ilenchï, ‘Katep Daudi pöroyïn kïwö Petleem kanasyantenyi, ompöwölo mi wölini kitötogh pö amöros nyo pö köny anka tïkwïl nyo pö katangwa kïtangogh.’