LUKA 18:13 - PIPÏLIA

¹³ Wölo kughyongö kwöghintonay pö surï otinöna, akimemïnye ntökïsyol tokochunyi kuros yïm. Atolapay kïwira morichi takat kosyochï kegh akïlö, ‘Syonchante Tororöt, ochan mwokïyon.’ ”

LUKA 18:13 ပူးပေါင်းရင်းမြစ်များ

2 SAMWEL 12:13

Kïlenchï Daudi Natan, “Koghchan ngokï ECHOTYON.” Kïlenchï Natan Daudi, “Kikïlasta ECHOTYON ngokiku melö imeghenyi.

2 OTÖPTINO OSIS 33:19

Kïkany sowutkachi nko wölo kiterta Tororöt somötenyi nko ngokichi löwïr nko wölo kipïsteghtö kighanatenyi nko onkuninö kitekta wölo kïsogho körkeyïntin akupintit Asyera, tororöt nyo le korka nko körkeyïntin, atanya kitomönye kïrïny kegh Manase ompö tawu Tororöt, kukirote kitapu otöptino werkoy.

2 OTÖPTINO OSIS 33:23

Kimarïngnye kegh Amon ompö tawu ECHOTYON le paponyi Manase, wölo kinget nyinte kïtas tagh kwigh ngokï tya.

ESRA 9:6

alenchï, “We Tororötïnyu, ochan lalïyanate osyol tokochunyu kurosinyi, ompöwölo kitösisyö kïchangit ngokicha nyoman, teno ghöyityencha ngwïny nko yïm.

AYUPU 42:6

Kïlenyona kolïmchan kegh arasï ompö ngalechan, akötan ompö terïtyon nko aren.”

TUMWÖY 106:6

Kakighacha ngokï le papotïnecha, kakïlïkucha mwokïyis akeghachitï.

TUMWÖY 119:41

Nya kungwïnchanïn chomnyengu nyo möwöghökonye, we ECHOTYON, aisörwante kïrïp kegh nko kiyomisötengu.

TUMWÖY 130:7

Ghana ECHOTYON, we Israel, ompöwölo pö chomnyenyi kokay tïng nyinte sörunöt nyo mïchinote.

TUMWÖY 25:11

Löstewante ngokichu, cho möngörï ompö kaynengu kegh we ECHOTYON.

TUMWÖY 25:7

Menan, we ECHOTYON, ngokichan nko penyatenyan cho kipö chumwaknan. Inanante ompö chomnyengu nyo pö kokay ompö köromnyengu, we ECHOTYON!

TUMWÖY 40:12

Kewitanïn kömpölelut cho makïrar. Kelumanïn lelutköchan ntömosïwïyanye or chang lelutchoni kïtïl puto mötïnyan nyo kimeghanïn ye nyu mu.

TUMWÖY 41:4

Olan, “Kyawunyi ngokï, we ECHOTYON, syonchante aisopo.”

WUWÖT 33:10

Nyini kisïwa pich löwïr pchöri polta kughyongö kuka Ema, kïnget chane löwïr akïsagh ompö kukoti emenikwa.

ISAYA 1:18

Lentöy ECHOTYON, “Apkana kengalana tïkwïl, kïrkegh köpïröch ngokikwa lötök, kemwötöy kïrelachitu löpöt. Kïrkegh köpïröch le pentera, keghöy kïrelachitu le puto kech.

ISAYA 6:5

Olan nyu, “Ochech nyo le ani! Ompöwölo weröy ngalyapunyan ngölyon anka tïkwïl nyo le sïmnyon nyo ongölonan, akwanyï omöngan nko pich cho ngölonöy ngölyon anka tïkwïl nyo le sïmnyon. Akwanyï ye kasïweghan konyichu ECHOTYON. Kasïwan Pöytoghin, ECHOTYON Kimuktoghin!”

ISAYA 66:2

Ani kegh nyo kyagh wölnö le mïröt kïmïkul! Ochan ngarakate ompö pich cho ipöy kegh ngwïny akïkötoy lelutkökwa akuwöghanïn akïterwanïn ngalechu.

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

DANIEL 9:5

“Kikeghacha ngokï akelel akeghacha nyo gha akepeny kirurutköku löwïr akemastecha kareran.

MATAYO 10:3

Pilipo nko Partolomayo nko Tomas nko Matayo nyo kile kwöghinto surï nko Yakopo wero Alpayo nko Tadayo nko

MATAYO 6:5

“Akwotini osoghöy, makarkegh nko pich cho le lïsï, cho chömöy kïsoghöy kughyongo kori sowut nko wölo sochegho ortïna atökumï pich kïsïwa chane. Omwowokwa nyoman lö kikïnyorï chane ropöwontengwa.

MATAYO 9:13

Ape aneta kegh lö mwoghöy ne Kikirutchay lentöy, ‘Opïrchinan kisyonchin, amelö amörostin.’ Ompöwölo kimangwïnanye okur pich cho karamach kïpoto mwokïyis.”

MARKO 11:25

Akwatoni koghyongökwa asagh, olöstoghchï chi anka tïkwïl nyo kölelwok, atökumï kïlöstowok Papongwo nyo mi yïm lelutkökwo. [

LUKA 17:12

Kïkany kilït kanasyan akonga ompö wöloni, kïtuyeghö pich taman cho kyamate psenkwet. Kighyongö chane wölo low kite,

LUKA 22:41

Atolapay kïwö yona kite, nyo tenö ato itöy kögh nyo wirtoy chi. Kïkïtïng akïsagh

LUKA 23:48

Kïkany kïsïwa pïchay kiryama atoni choni kighisyot, kïmïlonchö kestonikwa akïwirotoy töketwekwa ompö nyarïl.

LUKA 5:8

Kïkany kïsïwa Simon Petro choni kighisyö, kupïtyï kelyo Yeso akïlö, “Ngetena wölo omitan, Echotyon, ompöwölo ochan chi pö ngokï.”

IGHISYEWUT 2:37

Nyini kïlïm ngalechoni, kïtor mïkulöwekwa, kïlenchï Petro nko kiyoktoghï löwïr lö, “Kighecha ne ye nya tupechenicho?”

RUMI 5:8

Wölo kikuporwecha Tororöt lö chömecha nyinte nyoman, ompöwölo kima Kristo ompö acha, otini kitökechicha mwokïyis!

2 KORINTO 7:11

Arose köny, kïgh nyo kigh Tororöt ompö kiwongunötenkwa kïrïp kegh nko tötutyenyi. Rose lö keghakwa ye okilö kegh tya ompö orinkwa, akwighakwa osïkö machat nyo tya nyo poru lö ochikwa kïltït! Kyonörekyekwa awöghisyö. Omitekwa onoghyot, amitö kïpsach asïwena lö kegha man. Kokïniniekwa nyu ompö or anka tïkwïl lö motïngetekwanye lelut ompö ngölyontononi.

1 TIMOTEO 1:15

Pö man ngölyontonï akïmïchini kecham lasiny, lö kingwïn Kristo Yeso ngwïny atökïsörï mwokïyis akwani mwokïyonte nyo gha tya kïtïl pïchoni löwïr.

EPRANIA 4:16

Kerikyinö nyu ngacharu Tororöt nyo pö ororyö ompö nyakanat, atökenyorunö pöropchö. Kïsïkonecha nyinte kisyonöt nko pöropchö nyo ngörokecha ompö asispa machat.

EPRANIA 8:12

Olöstoghchinan chane ngokikwa amononanye ngat lelutkökwa.”