LUKA 17:21 - PIPÏLIA

²¹ Möminye chi nyo muköy kimwa lö, ‘Arosa anyï,’ anta, ‘Onyinö,’ ompöwölo mi Pöyunöto Tororöt kwenunkwa.”

LUKA 17:21 ပူးပေါင်းရင်းမြစ်များ

MATAYO 12:28

Wölo ato ayonan oy Mïkulöwu Tororöt, kïkakwitwakwa nyu Pöyunöto Tororöt.

MARKO 13:21

“Kïlenyona ntökïlenchokwa chi, ‘Anyi Kristo,’* anta lö, ‘Anyinö mi otinö!’ Maghan ngalechi,

LUKA 17:23

Pkonöy pich cho lenchinokwa, ‘Arosa, anyinö,’ anta, ‘Arosa anyï mi yi,’ wölo mapa lö sarpap, amarïp chane.

LUKA 21:8

Kïlenchï Yeso, “Orip kegh tömökilutok wuw. Ompöwölo pkonöy pich cho chang ompö kaynenyan kïlentöy, ‘Ochan nyinte,’ akïlö, ‘Kikarik ato ngwïnöy Kristo.’* Mayay arïp chane.

YOANA 1:26

Kuyokyï Yoana chane lö, “Opötisönan ompö pögh, wölo mi kwenunkwa chi nyo monkïtökwanye.

YOANA 18:36

Kuyokyï Yeso lö, “Möpönye ngwïnyinï paytaghtanyan, ntökö pö paytaghtanyan ngwïnyinete, kötösöröpkanïn pikachu kïporyot tömöparanïn pipö Yaudi. Wölo möpönye paytaghtanyan wöletewöl!”

RUMI 14:17

Ompöwölo Pöyunöto Tororöt kï melö ngala omisyö nko gheghsyö, wölo kegh man nko kalya nko ngörekyö, nyo konu Mïkulögh nyo Tïlil.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.