LUKA 17:2 - PIPÏLIA

² Mïchini chi nyo lenyoni kerötyï kat koghpa pagh nyo wow akewirchï nanam kwen, kïtïl kwigh akonga ompö cho mïnkech kwigh ngokï.

LUKA 17:2 ပူးပေါင်းရင်းမြစ်များ

ISAYA 40:11

Yokwïyi nyinte kechiryechi le mösöwon, ghömïtöy nyinte wareko kechiryechi akïkasan chane ompö puwayichi, akïrang kamati kïpa mut.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

MATAYO 17:27

Wölo merokonye kelelchinöcha pïchï. Kïlenyona wïyö tanga nanam aiwirchï pörköyö ori ainömï koghoghwö nyo nömöy pörköyononi nyo pö tagh aingany kut atenyorchinö ropïyon ateghaktena surucha kwodeny.”

MATAYO 18:10

“Orip kegh tömasas nyo le ompö akonga ompö monechï mïnkech. Ompöwölo omwowokwa lö mi malaykenikwa yïm kïnomnyö tawu Paponyan nyo mi yïm. [

MATAYO 18:14

Kïlenyoni tïkwïl, mömökönye Paponkwa nyo mi yïm lö tepot nyo le ompö akonga ompö monechï mïnkech.

MATAYO 26:24

Wechini kegh nyoman Wero Chi kïrïp kegh nko Kikirut, wölo heywey ompö chichini wïchtoy Wero Chi! Kitö karam ntökimelö kikïyï chichoni!”

MARKO 9:42

“Akwoto lelchï chi monechï mïnkech kïpïstö kighanatengwa nyo tïng ompö ani, kï kaykay kerötyï koghpa pagh katïnyi akewirchï nanam.

YOANA 21:15

Kïkany kuwany kwomisyö, kïlenchï Yeso Simon Petro, “Simon, wero Yoana, ichömaninyi kïsir pïchï löwïr nya?” Kuyokyï lö, “Owöy Echotyon, inkïtönyi lö, ochöminyi.” Kïlenchï Yeso, “Pagha wareko kechiryechan.”

1 KORINTO 9:15

Wölo tomönye opöghisyeghan mantinechoni ompö nyo le akonga. Amelö okiran ngalechete lö tosïch mantinechoni, ompöwölo kötökaykay ameghan kïtïl aghan chi anka tïkwïl kïchengenanïn mantanyu nyo okwolo kegh kïlïkwï kwïle.

1 KORINTO 9:22

Kalïkwan chi nyo nyarkalal ato omitan nko pich cho nyörkölöl, atamuk otyï chane. Kaghan kegh alïkwï kïgh anka tïkwïl ompö pich löwïr, atamuk osörï walaka ompö or anka tïkwïl.