23 apa okötï mogh nyo akwagh, ayeng tökyama akengörekyö.
Atolapay kïwö lawel kutang wölo mi tïch akïkïl mogh nyo akwagh akïkaram akutö chito pöghisyenyi nyo kiyeng lawel akugha.
Pïghyongi söpontönyan akïmïchï, atotumunyi ompö ngörekyö nko salat.
Ngwangwa kyam rachan ompö ato mi pöghisyö, kïtïl kyam tany nyo akwagh nko punyontön.
kikïyeng kyakichi akukulkulyö dipayichi* akukarkar rïpkenyi mesenyi.
Ighöy ECHOTYON Kimuktoghin akor ompö yete le kutïng pö Sayon* nyo omöy puntoni ngwïny kïmïkul. Kyomöy tïkwïn cho okwoghöch nyoman, akegheghöy dipay* cho pïchighöch kïmolï.
Wölo kïkur kwanta mötworichi akïlenchï, ‘Opunö lawel sïra nyo pïchigh alokyï nyinte. Atolapay otö kaymorïs morïnenyi alokyï kwegh
Ompöwölo kikyoghitön lö kima werïnyan, wölo anyï ye satate akikyoghitön lö, kikupot wölo kakïrumï.’ Kwomisyö pïchay akïngörekyö.
Kïyeng kokonay mogh nyo akwagh nyo kitïng akïcheng pïsya kwigh makatin cho puryö mumar.
