30 lö, ‘Arose chichï kitor kïteksyö wölo kipöl kuwany.’
Nyo otini kiropan akungwïn puseryonta nko chepkiriri kwarman koyay, kïrul aki wow rulötenyi!”
Ato meghnye lenyoni, akakutor kado luch kïmemukönye kuwongöy teksyo köyoni pich cho sïwïyi pkonöy nyu kïroröchini nyinte,
“Ato mi pöytoghintö nyo mököy kïsetöy kïporyö nko pöytoghinte anka, olentan nyo pö tagh töpo ngwïny. Atolapay kïtep kegh, lö ekumuköy lïkenyi nyo pö pich 10,000 kïporyö nko lïko pöytoghinte nyinö anka nyo tïng pich 20,000?
Wölo möngöy mötworintenyan nyo tïlil ompö kighanat, wölo ato mïla nyinte löt, kïmongörökyinanye nyonikïny.”
Wölo kïtïngetecha machat akonga lö tenoghyö chi anka tïkwïl ompö akwa ntökwit sörömuto söpontanyi, ntökwitïta ngalechoni omitekwa okönöy.
Kïlenyona nyu orip kegh atömepot kïgh nyo kökyasïngekwa, wölo tonyorunö ropöwontengwo kïmïkul.
