LUKA 12:42 - PIPÏLIA

⁴² Kuyokyï Echotyon lö, “Ngo ataye mötworintö nyo kighönöy akï ngöghom nya? Mötworin nyo lata nyoni kï nyo töni echotyontenyi kughyongchï pöghisyewut pö akuros lö könyorï konyi mötwori walaka ropöwo omisyo osiswechini kikïchomnyechï.

LUKA 12:42 ပူးပေါင်းရင်းမြစ်များ

WUWÖT 36:4

Atolapay kïpa pïchay kile tïngon kighöy ighisyonay pö Emanay tïlil

NGÖTÏNYÖ 12:8

Kikusöy chi kïrïp kegh nko chïreryenyi, wölo kïsösöy chi nyo kimostoy kinonutkachi.

NGÖTÏNYÖ 15:23

Ngörököy chi ato yoda ngölyon kïköchï, ekïkaram nyu kïtya ngölyon nyo kïmwoghöy ompö asistanyi!

NGÖTÏNYÖ 27:18

Chi nyo ripöy moköngwö, kwomöy akwechi, akekonyïtöy chi nyo pöghisyechini echotyontenyi.

NGÖTÏNYÖ 31:15

Ngetöy nyini le kiwasan akïpagh piko konyi akutö tipïn cho ighchini nyinte ighisyö pöghisyengwa.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

YEREMIA 23:4

Atomuchö, otönön chane mösöw cho komönöy chane nyo karam Atoni nyu, melö tökuwöghisïyi anta sïwa arasï piköchan, amökupotönye ompö akong. Mwoghöy ECHOTYON.

ESEKEL 34:3

Omekwa mwowöyi aloköy sïroko kyak cho lölöng, ayengekwa cho okwoghöch, wölo melö okomönekwa kyaki lasiny.

MATAYO 13:52

Kïlenyona kïlenchï chane, “Poru nyoni lö konetinto kirurut anka tïkwïl nyo lïku kinetana ngala Pöyunöto Yïm, kï karkegh nko chi nyo chenguno konyi tïkwïn cho relach nko cho pö köny kïpkana kaplawachtanyi.”

MATAYO 20:8

“Nyini kiröytö asis, kïmwochï chichay pö par kighyongtoghintenyi, ‘Kurö pïchay keghöy kasï para sapipun atetönö chane ropïyenikwa, itoronyi chichinö kötö kungwïnöy iwantegha nyinö kitor.’

LUKA 12:43

Ngarakat kïtya mötworintö nyo ato tomï echotyontenyi kupenï ighöy lenyoni!

LUKA 7:13

Kikany kïsïwa Echotyon kokonay kusyonchï, akïlenchï, “Meriröy.”

LUKA 7:19

Kïnget Yoana kïyonta kinetankachi cho le odeny, kïpa wölo mi Echotyon atökïtep lö, “Nyi nyoni kimwa Yoana lö ngwïnöy nya, anta tökekönecha chitö anka?”

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

1 TIMOTEO 3:15

nyo ato mangwïnanye lawel, kïtenö kïnye kyonkïtukwa wölo mïchini kïtöptö chi anka tïkwïl ompö kwenu pipö Tororöt, nyo le kanisa Tororöt nyo satate akï pchörï nyo tighöy man.

1 TIMOTEO 5:17

Mïchini poy cho le kintöghoghi kanisa cho pöghisïyi nyo karam konyït ompö konyït nyo wow, kïmïr tya cho noghyot ompö amtagh akunetisïyi.

2 TIMOTEO 4:2

amtena ngölyonto Tororöt, amekïch iamta (ato kö ompö pöroyïn nyo kömïchini anta kömelö kömïchini). Ichil aiteghchï pich mötosonchö, aikil chane otini inetisyenyi ompö mïkukönöt.

TITO 1:7

Ompöwölo kiketö kintöghoghinto kanisa kughyongchï pöghisyo Tororöt, kïmïchini nyinte kïlïkwï chi nyo puryö lelut. Melö mïchini kïlïkwï chi nyo anta kwolöy kegh chi nyo mïrmïr möt, anta tömösin, anta köromit, amelö chi nyo pïrchini ropïyen.

EPRANIA 13:17

Oterchinö kintöghoghikwa arïp kiyomisutkökwa. Ripokwa chane kïnomnyö akï chane cho porchini asïyech Tororöt wölo kida chane ighisyengwa. Ighöy chane ighisyengwa ompö kwïskwïsyö ato oterchikwa chane anta mölenye nyoni kwigho nyarïl akï möminye kinyiwutyö nyo osïkonekwa ngalechoni.

EPRANIA 13:7

Anan kintöghoghikwa cho kipö tagh cho kyomwokwa ngölyonto Tororöt. Anane wölo kitöptoy chane, atarïpa kighanatengwa.

EPRANIA 3:5

Ki mötworin Musa nyo kikighönöy ompö Kö pö Tororöt kïmïkul, akïngalana ngal lapay cho mwowu Tororöt ato le asïyech.

1 PETRO 4:10

Mïchini chi anka tïkwïl nyo mi kwenunkwa kïpöghisyegho kuten ropöw cho sisinchö cho kitö Tororöt ompö kinyiwut nyo pö pikö walaka, le ripï cho karamach cho ghyongchini ropöwo Tororöt cho chang.