LUKA 12:21 - PIPÏLIA

²¹ Atolapay kuwanta Yeso lö, “Ighöy lenyoni ompö chi nyo rorchini kegh sïkönöt, wölo meywon nyinte ompö tawu Tororöt.”

LUKA 12:21 ပူးပေါင်းရင်းမြစ်များ

NGÖTÏNYÖ 13:7

Mi chi nyo ighöy kegh le sïkön amelö nyu tïng kïgh, kïmi anka nyo ighöy kegh le meywon wölo nyu sïkön kïtïl.

OSEA 10:1

Kilenye Israel sapipu nyo pïchigh nyoman nyo yinöy akwechi kuten. Le otini kiyï sapipun kïlïkwï, kïtösöy tagh kïtekyini kegh wölay kïpelo amörostin. Le wölini kitas tagh korengwa kïlïkwï, kïminöy chane tïkwïl wölo sogho.

APAKUK 2:9

Ochech pich cho sïkönonöy piko korikwa ompö tïkwïn cho kamasa chane pich kïtek korïn cho tïghume atökïkartegha tapan piko korikwa.

LUKA 12:33

Altena tïkukwo atotönö mey ropïyeni. Oyörchinö kegh mïlot cho melö wïrsot amörchï kegh kaplawachtin cho mewonyot ompö yïm wölo mönyorucha chorï antewur rirïm.

LUKA 16:11

Kïkany ye ato melö kighönokwa ompö sïkönöto ngwïnyinï, kï ngo nyu nyo ghönokwa ompö sïkönöto man?

LUKA 6:24

Wölo ochech akwa cho ochï monkor otï le ye, ompöwölo konyorukwa ropöwontengwo.

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

2 KORINTO 6:10

Kïrkegh kelatenacha pich cho wongu wölo kïngöreksocha kïtenö osis. Kïlatecha mey cho tïryolöch, wölo kimökosecha pich cho chang, kïlatecha pich cho kïmitö kïtuw akwanyï kïtïngetecha kïgh anka tïkwïl.

1 TIMOTEO 6:9

Wölo pich cho möro kong sïkönöt kupïtyini työmut akupïtyini chane ngöghöp nyo pö pïrchin cho ghach cho puryö kinyiwut, cho chutöy chane kïröytoy wölo mi wïrata nko kinyarat.

YAKOPO 2:5

Atere ya, tupchenichu! Kimakïlnye so Tororöt mey ompö ngwïnyinï kïlïkwï sïkön ompö kighanat atökïmïl chane pöyunöt nyo kikuyomisï nyinte pich cho chömöy nyinte?

NGONGUT 2:9

Onkïtön nyörilwokökwa nko chopatengu, wölo ichinyi sïkön, ankïtön ngalechoni ghach ngöloneninyi pich cho lentöy kïchï pipö Yaudi amenkacha, pö chane Onyöt!