LUKA 12:19 - PIPÏLIA

¹⁹ Atoni nyu olenchan kegh, pöyösinö kegh aiyomisyö aigheghsyö le wölo kechamta, ompöwölo itïngetenyi tïkwïn cho chang cho karamach cho ghöminyi ompö könyis cho chang.’

LUKA 12:19 ပူးပေါင်းရင်းမြစ်များ

AYUPU 14:1

“Ngörï osiswo chi nyo kiyï korka akï chang kömpölelutkachi.

TUMWÖY 49:18

Kïrkegh kölentöy chi okwolo kegh söpon pö ngwïnyinï akekwol nyinte ompö tïkwïn cho chang cho kegh,

TUMWÖY 62:10

Mokön tïkwïn cho kïmoso pich amokwolö kegh mökosyö nyo kïsïko masat. Kïrkegh katasa mökosyö, motighö kegh.

NGÖTÏNYÖ 10:2

Menyiwunye kïgh tïkwïn cho kïnyoru ompö ortïn cho ghach, wölo söru man chi ompö meghat.

NGÖTÏNYÖ 14:24

Sïkönöto pich cho ngöghomöch kï ororyengwa, wölo syongöy nyu sölwöy sölwontönengwa kïpoto.

NGÖTÏNYÖ 18:11

Lenchini kegh sïkönö körtenon sïkönötenyi, le nayat nyo anger akikïtek kïwö yïm.

NGÖTÏNYÖ 23:5

Wetöy sïkönöt lö weng, ompöwölo pitöy köpepoy, akupiltö le sich kïtopön yïm. Ngöghomnyö nyo pö mut nko sömök

NGÖTÏNYÖ 27:1

Mekwol kegh ompö asïyech, ompöwölo menkïtönyinye lö ekwipu ne asisoni.

OMTOGHIN 11:9

Ngörökyinö mïnïngïntöngu chi nyo ichï naran aikany kïngörökyï mïkulöwungu osisweko chumwaknatengu airïp ortïneko mïkulöwungu nko kïgh anka tïkwïl nyo sïwïyi konyiku. Wölo inkïtï lö ipunyi Tororöt ompö tïkuchoni löwïr.

OMTOGHIN 2:24

Möminye kïgh nyo karam ompö ptangengmöt kïtïl ato am, akïgha, akïngörökyï kighotichi. Wölo kïrkegh kïlenyoni kyosïkwan lö ngwïno Tororöt nyoni tïkwïl.

ISAYA 22:13

Wölo nyinö kitoghekwa lenyoni, opechikwa ororyö, aketa lö kïng! Kyayengakwa kechir apar tïch, amakwa pany, aghegh kumïn. Atolapay amwaghakwa lö, “Kyaketena akegheghsyö, ompöwölo kiwonyocha asïyech!”

ISAYA 5:11

Heywey, ochech pich cho ngetöy nyini le kiwasan tökïyarata kumïn, cho gheghsïyi ntökïpölolön oghö ntökïtömesyö lasiny!

ISAYA 5:8

Heywey, ochech pich cho tusot korïn nko paren kïnapasa ntömelö tökïmi pöroyïn ngat, ntökïlïkwï akwane opïn cho omöngöy kore!

ISAYA 56:12

Mwochini kegh ptamasischoni lö, “Apkana kepe keyaratena dipay* atökeghegha cho ngwonöch cho teno cho kakimuköy kegheghe! Körköyitu asïyech ko asisete, akï köromitu tya ompö!”

OSEA 12:8

Kwolöy kegh, Epraim kïlentöy, “Nyo le ne, akyochan sïkön, kyoyörchan kegh mökosyenyu. Mi onö ghöyïn nyorchinan chi kïgh nyo le ngokï ompö sïkönöt nyo tenö nyï.”

AMOS 6:13

Kongörechekwa otï kaparakwa kanasyanta Lo Depar, okwolökwa kegh lö kïchicha owesöch cho kakïnam Karnaim.

APAKUK 1:16

Ropchini amörostin ompö akïpel körösyon nyo konyïto moyontinekwa le ato kö tororötin chane.

LUKA 12:18

Atolapay kïlö, ‘Konkïtwan kïgh nyo oghöy. Ongonyan töpotonichu löwïr atek cho echön kïtïl chï atolapay olchan paghechu löwïr arorchï ori tïkucha walaka.

LUKA 16:19

“Kimi kitas tagh Yeso kïlenchï pïchay, chi nyo kile sïkön nyo kiloköy sïro cho pö olyot nyo wow tya, akïtöpo atöp nyo pö mökosyö kïtenö osis.

LUKA 21:34

“Orip kegh nyu akwane, tömekaperak pïghyöny nko tamasa nko sïngut pö ngwïnyinï, tömemirok asispa kingwïnata Wero Chi le ngöghöp.

1 KORINTO 15:32

Ntö kipö ptangengmöt kerötenyan, kötö kwïle poryenyan nko tïpö wudïn cho köromöch ompö wölete le Epeso. Ato metutucha pich cho kimeghö, kïlenyona le nyay kïlentöy, “Kyomisyenö nyu akegheghsyö, ompöwölo kïmeghsot asïyech.”

PILIPI 3:19

Sörömungwa kiwurata, ompöwölo tororötïngwa muyengwa nisonchegho chane arasingwa yonöy kinonutkökwa tïpö ngwïnyinï.

1 TIMOTEO 5:6

Wölo mïsïk nyo chömo kegh lïs nyo pö ngörekyo ngwïny, kïlenye chi nyo kikïma kïrkegh kïsöpöy.

1 TIMOTEO 6:17

Mwochinö pich cho le monkor ompö tïpö ngwïnyinï lö momen, amotö kikönötengwo tïkwïn cho tïkon ato kewonyö, wölo kutö wölo mi Tororöt nyini konu tïkwïn lapay ompö chongïn kengörekyeghenö.

2 TIMOTEO 3:4

Lïku pich wïchtoghï nko cho möyongöy kïgh nko cho kwolöy kegh nko cho chömöy ngörekyo ngwïny kïsir kïcham Tororöt.

YAKOPO 5:5

Kotïpikwa ngwïnyinï ompö pïghyöny nko ngarakat nko nyo pö pïrchin nyo gha. Kapaghakwa kegh, atonöryenö atïpï kïpsach ompö asispa yengsyö.

1 PETRO 4:3

Nya kïmïchï osiswö cho kikuwer cho kyaghakwa tïkwïn cho chömöy kwighöy pich cho menkïtcha Tororöt. Kyomöngisyekwa ompö takalnan nko cheporesnan nko pölö nko pïrchin nyo gha nko chepomunön nko ryakata kumïn nko tamasa nko saghata körkeyïntin nyo lilu.

NGONGUT 18:7

Kïle wölini kikwol kegh lö ochï wow, akïpagha kegh tïkwïn cho chang, otö nyinte kichopat nko nyarïl nyo wow kïtenö nyoni. Mi nyinte kïmwogho mïkulöwunyi lö, ‘Ochan pöytoghin nyo otöpo ngachar, mochanye mïsïk amönyorwanïnye nyarïl.’

1 SAMWEL 30:16

Kumït nyinte Daudi wölo mi lïkonay, kökitoyechï chane korononi, kimi kwomisïyi akïgheghsïyi akinyolöy ompö chongïn pö pöröw cho kipörunö koro pipö Pilisti nko koro Yuda.