LUKA 11:8 - PIPÏLIA

⁸ Wölo omwowokwa lö, kïrkegh möngetönye atökutö nyinte makatinechoni ompöwölo kö kongenyi tagh, wölo ngetöy mötïnyu atökutö nyinte möchutkachi ompöwölo kitakïch nyinte kïsomsyö.

LUKA 11:8 ပူးပေါင်းရင်းမြစ်များ

TOWUNÖT 32:26

Atolapay kïlenchï chichay Yakopo, “Pïstanïn owan ompöwölo mach kïyech.” Wölo kïlenchï Yakopo, “Mopïstoninyinye wete ntökïtenö soyönaninyi.”

LUKA 11:7

Akuyokunö kongenyi ompö kö ori lö, ‘Mesusanïn! Kyakaran kukat akikeruyecha nko monïng. Nyo memukonye angetan akoninyi kigh.’

RUMI 15:30

Kïlenyona nyu tupchenyu osomokwa nyoman ompö Echotyontenyo Yeso Kristo nko ompö chomnyogh nyo konu Mïkulögh lö, anama ku lasiny ompö saghat atosoghwante Tororöt.

2 KORINTO 12:8

Kyasaghan Echotyon kïnyïl sömök ompö ngölyontononi lö töchengenanïn,

KOLOSAY 2:1

Omökan ya omwowokwa wölo kyonoghyan kïlïkwï ompö parakunkwa nko ompö pich cho mi Laodikea nko ompö pikö walaka cho tomöcha kïsïwanïn.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

KIRWOKÏ 14:17

Kïrira tawunyi osis mut nko odeny cho kipö ichon. Ato mi asispa mut nko odeny kïmwochï kini poru tyankoynoni, ompöwölo kisus nyinte nyoman. Kïwö kokonay kïmwochï pïchay tyankoynay.

1 SAMWEL 1:12

Otini kimi kïsoghöy Ana ompö tawu ECHOTYON, kïmi Eli kurosöy kutinyi.