LUKA 11:42 - PIPÏLIA

⁴² “Ochech akwa Parisaytin! Karoptekwa kareranpa taman nyo pö tïkwïn cho makes cho lata köröstin nko kapïrïmen nko nkïy angetakwa atagh oghchï pich man acham Tororöt. Kömïchokwa agha choni nyo tagh, amopïstö chona walaka.

LUKA 11:42 ပူးပေါင်းရင်းမြစ်များ

NEEMIA 10:37

“Kepchï tïsï makatina poretayi pagh nko ropöwecha cho pö dipay* nko akwa ket löwïr nko mwaghpa arol ompö korïn cho mi Kö pö Tororöt. “Atolapay kepchicha pipö Lawi karerantina taman cho pö tïku parenicha, ompöwölo chane cho ghömïtöy karerantina taman ompö kanastinecha.

NGÖTÏNYÖ 21:3

Chömöy ECHOTYON kegh ngala man nko kitenat, kïtïl amöros nyo kitötoy.

OMTOGHIN 7:18

Mïchini namanyi nyinö pö tagh, amepïstö nyinö pö odeny, ompöwölo choni cho teköy chi nyo wöghöy Tororöt.

MIKA 6:8

Ewo, melö lenye nyoni we ptangengmöt. Kïgh nyo mökenecha ECHOTYON kï nyï: kegh man akeparta chomnyogh nyo mamïnïng, akemïnïngityï kegh Tororötïnyo.

MALAKI 1:6

Lenchini ECHOTYON Kimuktoghin tïsï, “Konyïtöy monïng kwanta akïkonyït mötworintö echotyontenyi. Kwato ochan paponkwa, kunko konyïtönkwa? Akwato ochan echotyontenkwa, kwompö ne tömokonyïtanïkwa? Osösanïkwa, ayokyï atep lö, ‘Kakïsasichanyi lö ne?’

MALAKI 2:17

Kosusökwa ECHOTYON kwaghach ompö ngalekwa, alekwa, “Kakisusöcha nyinte kwaghach ompö or ne?” Kosusökwa ompö otini olentekwa, “Ngörokyini ECHOTYON mwokïyis akïchömöy chane,” anta otini otepekwa lö, “Kunko Tororöt nyï kïlentöy rwokyini ompö man nya?”

MALAKI 3:8

Wölo otepokwa ye nyu lö, ‘Ayo, karam kïchor chi Tororötï? Ewo, mökaramnye. Kïlö ne nyu tachoranïkwa?’ Wölo otepekwa lö, ‘Kakïchorichanyi ompö or ne?’ Kachoranïkwa ompö ropöwo kareranpa taman nko ropöwe walaka cho opkanïkwa.

MATAYO 23:13

“Heywey akwa koneti kirurut nko Parisaytin! Lïsï! Kakarekwa pich kuka Pöyunöto Yïm, amolïtekwanye akwane amopïsini ompö pikö walaka cho kömököy kïlïtöy. [

MATAYO 23:23

“Heywey akwa koneti kirurut nko Parisaytin! Lïsï! Omökekwa otöne Tororöt kareranpa taman nyo pö amörostin nko pinsarin nko chira, wölo moyongekwanye kirurut cho echön lata: kitenat nko kisyonöt nko kighanat. Mïchinokwa anyagha agha chï kïny, kïrkegh melö kömïchini opïstenökwa chini walaka.

MATAYO 23:27

“Heywey akwa koneti kirurut nko Parisaytin! Lïsï! Alatekwa pïrïmpoti parsikontin cho kakitö munyan nyo rel sany kïrelachitu, wölo nyïghïtate oringwa koyo pich nko sïmnyon anka tïkwïl.

LUKA 18:12

Okïruran kïnyïl odeny ompö wïki, akoninyi kareranpa taman cho pö tïkuchan löwïr cho onyoru.’

YOANA 5:42

Wölo onkïtokwa, lö möminye chamata Tororöt mïkulöwekwa.

1 YOANA 4:20

Ato mwa chi lö, “Ochöman Tororöt,” akwanyï reyöy tupchenyi, kï putin chichoni. Ompöwölo, muko lö ne kïcham Tororöt nyo tomönye kïsïwa ato möchömönye tupchenyi nyini sïwïyi?

1 SAMWEL 15:22

Kïlö Samwel, “Kïgh ne nyo mököy ECHOTYON, konyït nya anta kitötogh nko amörostin? Ngwangwa kekonyït nyinte kïtïl ketö amöros pö kech nyo akwagh.