LUKA 11:39 - PIPÏLIA

³⁹ Wölo kïlenchï Echotyon nyinte, “Akwa ye Parisaytin, owunekwa kikompen nko sanin okumpö sany kwïle, wölo kinyïghï orinkwa masata nko ghöyityö.

LUKA 11:39 ပူးပေါင်းရင်းမြစ်များ

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

2 OTÖPTINO OSIS 25:2

Kigh Amasya nyo karam ompö tawu ECHOTYON wölo meghanye mïkulöwunyi kïmïkul.

TUMWÖY 22:13

Ngongchinanïn kutïwekwa le ngötïny nyo mororöy akïtïlöy.

NGÖTÏNYÖ 26:23

Lenye tör nyo kakïmala ngolöwo karïn, chi nyo töpïlïle ngala akïmi nko mïkulögh nyo gha.

NGÖTÏNYÖ 26:25

Ato ngölonöy ngal cho onyïn, meghan nyinte, ompöwölo tuw mu.

NGÖTÏNYÖ 30:12

Kimi pich cho tïlilöch ompö konyikwa kegh, wölo tomöcha kewunö sïmnyontönengwa.

YEREMIA 4:14

Nyi we Yerusalem, wuntenö ngokï ompö mïkulöwungu, tenyorunö sörunöt. Töpïsot nko oyï kinonut cho ghach oringunyi nya?

ESEKEL 22:25

Lata kintöghoghichï ngotïny nyo pororöy ompö tyony nyo kapar, kikïpar chane pich akïcheng kaplawachtin nko tïkwïn, kikipar pich kudong mïsïk cho möngörï ompö kor.

ESEKEL 22:27

Lata kintöghoghichï cho kapar tyony, mïltoy kisön tökïnyorï sïkönöt ompö or nyo gha.

SEPANIA 3:3

Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.

MATAYO 15:19

Ompöwölo pkono mïkulöwu chi kinonut cho ghach cho lata pörchö nko cheporesnan nko chorsyö nko söwintöno putintön nko semsem.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

LUKA 16:15

Kïlenchï Yeso chane, “Akwa chay oghekwa kegh lö, kïchï karamach ompö tawu pich, wölo nkït Tororöt lö ochikwa pich ne. Ompöwölo tïkwïn cho kusöy pich, kï samï ompö tawu Tororöt.

LUKA 7:13

Kikany kïsïwa Echotyon kokonay kusyonchï, akïlenchï, “Meriröy.”

LUKA 7:19

Kïnget Yoana kïyonta kinetankachi cho le odeny, kïpa wölo mi Echotyon atökïtep lö, “Nyi nyoni kimwa Yoana lö ngwïnöy nya, anta tökekönecha chitö anka?”

YOANA 12:6

Kimwa lenyoni amelö ompöwölo kiyongöy nyinte mey, wölo ompöwölo ki chorin, akwompöwölo ki komöninto mïloto ropïyen, akimi kïchoro mïlotononi kïnomnyö.

YOANA 13:2

Kökikutö nyu Onyötö Yudas Iskariote Wero Simon, machat nyo wïchtoy Yeso otini kimi Yeso kwomöy omisyo nangat nko kinetankachi.

IGHISYEWUT 5:3

Wölo kïlenchï Petro, “Ompö ne nya Anania tepïsinönyi Onyöt kipöyï mïkulöwungu ntelïsanyi Mïkulögh nyo Tïlil, aichïchukanyi ompö sison kareranto ropïyeni cho kesïkenyi par?

KALATIA 1:14

Kyarïntan nyu piko korenyu cho kile pïntanyan cho chang otini kyomitan orïpöy kighanata pipö Yaudi, akilön kegh lasiny arïp otöptineko poyicho.

2 TIMOTEO 3:5

Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.

TITO 1:15

Tïlil kïgh anka tïkwïl ompö pich cho tïlilöch, wölo möminye kïgh nyonikïny nyo tïlil ompö pich cho le sïmnyon cho puryö kighanat, ompöwölo kikesïmnyon kinonutkökwa nko pköchintöngwa.

YAKOPO 4:8

Arika wölo mi Tororöt atökïrikakwa nyinte. Owunö ewunekwo akwa mwokïyischï! Amwata mïkuliskökwo, akwa lïsichï!