LUKA 11:26 - PIPÏLIA

²⁶ Wetöy yenyu kumïtuy oyi walaka cho ghach kïtïl nyinte cho le mut nko odeny. Pkonöy löwïr akïmang orito chichay. Ghöyitu nyu tya otöp nyo pö chichoni nyo pö löt kïtïl nyay kipö tagh.”

LUKA 11:26 ပူးပေါင်းရင်းမြစ်များ

SEPANIA 1:6

Onyoran pich cho yodo kegh löt amelö tökïrïpanïn. Onyoran löwïr cho melö pkonöy akïsomanïn ontöghoghchï chane.”

MATAYO 12:45

Kïnget panini akïwö kumïtï oyi walaka cho le mut nko odeny cho ghach kïsir nyinte, kïpka akïmang ori. Ghöyitu nyu otöpto chichoni nyo pö löt kïsïr nyo kipö tagh. Lïku nyoni tïkwïl ompö pïnï gha.”

MATAYO 23:15

“Heywey akwa koneti kirurut nko Parisaytin! Lïsï! Kapeghekwa nanamtin, aghyö koros löwïr lö tosïkö kighönin akonga akwotini konyorukwa aghakwa nyinte kunyara tya kïwö mapa kokay kïtïlakwa kïnyïl odeny!

LUKA 11:25

Otini ketï, tomu köyay pukote akïminate.

LUKA 11:27

Kïkany kuwany Yeso kïmwa ngalechoni, kungwïn korka nyo kimi söpïchinay akïngölonchï Yeso ompö kut nyo wow lö, “Wechï soyönote korka nyo kiyiyinyi akïnaminyi!”

YOANA 5:14

Kïnyorchï Yeso chichay ato le soya Kö pö Tororöt,* kïlenchï, “Rose lö, kakesopinyi ye. Megha ngat ngokï tömengwïnchin kïgh anka nyo gha kïtïl nyoni.”

1 YOANA 5:16

Ato isïwa tupchengu kwighöy ngokï cho melö ighöy pich tömökïnyorï söpon pö kokay, kïmïchini saghanyi Tororöt atökutö nyinte söpon. Ongölonenan pich cho meghnye ngokï cho ighöy chane tömökïnyorï söpon pö kokay. Wölo mi ngokï cho ighöy pich tömökïnyorï söpon pö kokay amomwoghanye lö asagh ompö choni.