3 Ape ankïtï lö, kayontokwa le wara kechir cho mi kwenu suyï.
Isörunenante kutïwa ngötuny aighetante achïwïta kuyo soghen.
Karkegh yetïntinechi nko ngötuny cho mororsot Karkegh muti ngal ompö kokwotïno Yerusalem nko suyï cho sutyote, cho ato nyorï peny mönon, mönyorunye chi ompö nyo le kowö otini kayech.
“Oyontonokwa ye nyu le kechir ompö kwenu suyï. Ongöghomöchitunö le moroyut, atölosöchitu le chepïrïmpen.
Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.
“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.
Mop takolu ropïyen anta mïla psawach anta kwegh. Opïstö kitakwesat nyo chengöy nyo kogh ato omi or.
Ato sïwa chi suyon kungwïnöy nyo melö mösöwon amelö chechi kyaki, kïpïstoy kechiryechoni akuperta. Kungwïn nyu suyontononi kïnam akutoyö kechirye.
Anana ngölyontonay kyomwowokwa lö, ‘Möminye mötworintö nyo wow kïsir echotyontenyi.’ Ato kichopanïn chane kong, kuchopokwa kong tïkwïl, ntökiter chane ngölyontenyan, kötöteröy nyinkwa tïkwïl.
Yonenokwa chane kori saghat. Atökïpkonöy osiswö cho nonöy chi nyo pörokwa lö pöghisyechini nyinte Tororöt.
Onkïtön lö atowan kulungokwa suyï cho köromöch, amesyonchinicha okwot pö kechir.
Ompöwölo oporchinan nyinte tïkwïn lapay cho mïchini kïsïkö nyinte nyarïl ompö kaynenyan.”
akïtep nyinte palaltin cho kipöy kïpa kori sowut ompö Damaska, tototöp ntökïnyorï chi anka tïkwïl nyo rïpöy Aranoni pö Echotyon ompö wölini, kumï kïnam chane akïrat, kö kor anta mïrön, akumïtï kïpka Yerusalem.
