LUKA 10:2 - PIPÏLIA

² Kïlenchï pïchay, “Kirïr pagh nyoman, wölo ngörï ilï. Osomö nyu chito pagh kitöswok ilï walaka kwil paghe.

LUKA 10:2 ပူးပေါင်းရင်းမြစ်များ

1 PÖYTOGHÏ 18:22

Atolapay kïlö Eliya, “Ani onkït nyo le werkoyonto ECHOTYON nyo köngötï, wölo mi werkoyi Paal cho le 450.

TUMWÖY 68:11

Mwowu Echotyon ngalechi, kupertoy pöytoghï nko lïkoskökwa. Kïmwatïta korï cho chang lökoyechoni akupar ompö keston pöröw

YEREMIA 3:15

“Okonokwa nyu atoni mösöw cho chömanïn ompö mïkulögh akï pöghokwa ompö ngöghomnyö nko pköchin.

SAKARIA 11:17

Heywey mösöwon nyo le karsang! Kapakada kechir kïpa opïn! Nya kïtör chok ewunyi akïrït kontanyi nyo pö ewu tagh, Nya kïsipa ewunyi akïkor kontanyi nyo pö okumpö tagh!”

SAKARIA 11:5

Mutöy mïnchïrïsyonta kechenyi kat amelö nyoru sitöt. Akwotini kalta panya kechanay kïlö, ‘Nya kïsala ECHOTYON! Wechï kosïkönön!’ Mesyonönye ompö nyini le mösöwonto kechir!

KIYITUT 11:17

Orökunan nyu atangalanan nko nyi achengan mïkulöwunï kokoninyi kareran atönön chane. Atökïsït chane tïkwïl nïkisyonï pö pich itïngnyi atömesïtönyi onkït.

KIYITUT 11:29

Wölo kïlenchï Musa nyinte, “Ichinyi so söstoghin ompö ani? Opï ketö ECHOTYON pikachi löwïr mïkulögh nyo ighöy chane kïngorsyö.”

MATAYO 20:1

“Karkegh Pöyunöto Yïm nko chi nyo tïng para sapipun nyo kinget nyini le kiwasan kukir pich akïyonta chane kïpa parenyi pö sapipun.

MARKO 13:34

Karkegh nko chi nyo köwö kïrutö. Nyo yomisöy mötworichi. Töni anka tïkwïl woyenyi, akïmwochï mötworinte nyo ripöy or kïripsyö lasiny.

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

MARKO 16:20

Kïpa wop lapay akwamtata kimi Echotyon kïpöghisïyi nko chane akuchichim ngölyotononi, pö amtaghtangwa kutö machey nyo kinomnyoto tïkwïl.]

LUKA 9:1

Kïkur Yeso kinetankachi chay le taman nko odeny akutö owesyö nko wowïn paraku oy akusop sömewut.

IGHISYEWUT 11:19

Kitoyö nyu kïyasta kighönï ompö kichopata kong nyo kitï atoni kikïpar Stepano. Kïpa walaka ntökwit Poinike nko Kupro nko Antiokia, kwomchinotoy lökoyechay pipö Yaudi opïn.

IGHISYEWUT 13:2

Kïlenchï Mïkulögh nyo Tïlil chane otini kipöghisyechini Echotyon kïkïruröy akïsoghöy Tororöt, “Okonanïn Parnapa nko Saulö kïpka, kwighwanïn ighsyö nyo kyosötyan chane.”

IGHISYEWUT 13:4

Akwotini kökikuyoktö Mïkulögh nyo Tïlil Parnapa nko Saulö, kïpa kïröytö Seleukia, kïpegha meli ntökwit Kupro.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 22:21

Kïlenchanïn Echotyon, ‘Wïyö, ompöwölo oyontoninyi wete koro punton wölo low.’ ”

IGHISYEWUT 8:4

Kïpa nyu pich chay kökitoyö kwamta Lökoy cho Karamach.

1 KORINTO 12:28

Ketö Tororöt pïchï kanisa: cho pö tagh kï cho kiyoktö Yeso, cho pö odeny kï werkoy, cho pö sömök kï konetï. Atolapay kutö cho ighöy töngönchin atolapay kutö cho sopöy kichirut nko kingörokï nko kintöghoghï nko cho ngölonöy kutïw cho sisinchö.

1 KORINTO 15:10

Wölo kalïkwan le wölo alatan ompö pöropcho Tororöt, amelö kikonanïn nyinte poropchenyi kwïle, wölo kyopöghisyan tya kïtïl chi anka tïkwïl ompö chane löwïr wölo melö ani, wölo pöropcho Tororöt nyo pöghisïyi nko ani.

2 KORINTO 6:1

Kïle nyu otini kïchicha pich cho kïpöghisïyi nko Tororöt, kïsoghokwa nyoman lö makany kupot kwïle pöropcho Tororöt.

PILIPI 2:21

Sïngo pat pikö walaka ngalekwa kegh nyinö kötö sïngo ngala Yeso Kristo.

PILIPI 2:25

Kananan lö mïchini oyokwokwa Epaprodito, werïncha nyo kïpöghisïyecha tïkwïl, akemitecha nko nyinte poryot akï pröyöntekwa nyinte nyo kingarakanïn ompö möchutköchan.

PILIPI 2:30

ompöwölo kikachakïn nyinte söpontanyi ket akwompö pöghisyo Kristo, atökumï kïkonanïn kingarakat nyo kimomukekwanye chï le akwa.

KOLOSAY 1:29

Kïlenyona omitan okilöy kegh opöghisïyi atökwighisyö ngalechoni. Opöghisyeghonan owesyö nyo wow nyo konanïn Kristo akwowesyononi nyo pöghisïyi ompö orinyan.

KOLOSAY 4:12

Ketakwesakwa tïkwïl Epapra nyay ngwïno korenkwa akï mötworinto Yeso Kristo. Soghwokwa nyinte nyoman kïnomnyö atamukakwa oghyongö le pich cho kikïkil lasiny ompö ngal cho mököy Tororöt.

1 TESALONIKE 2:9

Ononekwa tupchenichu, wölanye kikinoghyecha kïlïkwï, kikïpöghisyecha pöghet nko nangat atömökïkonokwa nïkisïn ompö omisyewut otini kikïmitecha kyomwokwa Lökoy cho Karamach cho pkono wölo mi Tororöt.

1 TESALONIKE 5:12

Kïsoghokwa lasiny, tupchenicho lö, okonyïtö pich cho mi kïpöghisyewokwa cho ntöghoghchinekwa akunetokwa otöp nyo mïchini pipö Kristo kïrïp.

2 TESALONIKE 3:1

Nyo pö löt nyu tupchenicho, osoghwecha atökumï ngölyonto Echotyon kïyasta akwororit le wölo lata ompö kwenunkwa.

1 TIMOTEO 4:10

Kinoghyonecha ompö pöghisyö anka tïkwïl nyoman ompöwölo kiketönöcha kikönötenyo wölo mi Tororöt nyo söpöy akï nyo le Ghetinto pich lapay, kï mïr tya pich cho kikughan.

2 TIMOTEO 4:5

Wölo mïchininyi ripö kegh, amekany kumirïn kïgh anka tïkwïl. Kamagha nyörïlwok, igha pöghisyö nyo kyomtoy Lökoy cho Karamach, ailïtit pöghisyengu nyo kikonïn Tororöt.

PILEMON 1:1

Ani Paulö nyo omi chela ompö pöghisyo Kristo* Yeso nyo kakir palalyantanï nko werïnyo Timoteo. Ompö kongencha Pilemon nyo kïpöghisïyi tïkwïl,

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

NGONGUT 2:1

“Kirchinö malaykayan nyo pö kanisa Epeso lö, ‘Anyï ngölyon nyo ngwïno nyinte nyo nömöy kokelyechay le mut nko odeny, ompö ewunyi nyo pö tagh akïwestegho kwenu ketï pö koltin le mut nko odeny cho ghyongo tatïna.