LUKA 1:70 - PIPÏLIA

⁷⁰ Kimwa nyinte könyisyok ompö werkoykachi cho tïlilöch,

LUKA 1:70 ပူးပေါင်းရင်းမြစ်များ

TOWUNÖT 12:3

Osoyönan pich cho soyöninyi, wölo ochïpan chi nyo chïpinyi akesoyönöy pipö ngwïny kïmïkul ompö nyi.”

TOWUNÖT 3:15

Otöninan punyontön kwenungu nko kokonï nko kwenuto yiyengu nko yiyenyi. Tïghöy nyinte mötïngu lö körpïs isïrenyi nyinte kowo monion.”

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

2 SAMWEL 23:2

Ngölonöy Mïkulöwu ECHOTYON kuwerwanïn, ongölonenan ngölyontenyi nyo mwowanïn.

YEREMIA 23:5

“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.

YEREMIA 30:10

“Mewöghisyö we Yakopo, amemïgh we Israel. Ompöwölo osörunyi mitenö kor nyo low. Oyokunan moneku kïpkana koro pïnotnön imïlonenyi, aimöngisyö ompö kalya. Amöminye chi nyo muköy kwotyegheninyi.

MARKO 12:36

Akwanyï kïmwa Daudi ompö owesyo Mïkulögh nyo Tïlil lö, ‘Kimwochï Echotyon, Echotyontenyan lö, Töpenö ewunyan okumpö tagh Ntökïtenö rïntenanyi punköku.’

LUKA 24:44

Atolapay kïlenchï, “Ngalechan chete chanya kyomwowokwa atanya kitomitan nko akwa. Kyamwaghan lö, itïtoy nyo mötïny, tïkwïn löwïr cho kikikir ompö parakunyan ompö Kikirut pö Musa nko cho pö werkoy nko kitapu Tumwöy.”

IGHISYEWUT 28:25

Kïnget kïpa akïmi kumölöy kegh achane, otini kökikuwang Paulö kïmwochï chane ngölyon akonga nyo kilö, “Nkïchï nyoman nyay kimwochï werkoyon Isaya papotïnekwa ompö owesyo Mïkulögh nyo Tïlil!

RUMI 1:2

Kiyomisï nyinte könyisyok kuwerï werkoykachi, kïle ato kirate ompö Kikirut cho Tïlilöch.

EPRANIA 3:7

Nka nyay mwoghöy Mïkulögh nyo Tïlil lö, “Ato alïmakwa kutinyi asete,

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

2 PETRO 1:21

Ompöwölo möminye ngölyonto werkoyon nyo le ompö akonga nyo kingwïna machata ptangengmöt, wölo kingalan pich ngölyon nyo kingwïna wölo mi Tororöt otini kintöghoghchini chane Mïkulögh nyo Tïlil.

2 PETRO 3:2

Omökan ononekwa ngal cho kingor werkoy cho kikïl Tororöt nyinte kegh nko ngölyon nyo kimwowï Echotyon akï Ghetin ompö kutïweko kiyoktoghï.

NGONGUT 19:10

Opïtyan kelyechi tasagh nyinte, wölo kïlenchanïn, “Ewo, mesoghanïn! Ochan mötworin nyo karkegh nko nyi nyo pöghisyechini Tororöt nko tupcheniku cho kikesöwintönchï tïkwïl man nyo kingongwech Yeso. Sagha Tororöt!” Ompöwölo kïgh nyo töni werkoy owesyö kwamta ngölyonto Tororöt kï man nyo kingongwï Yeso.