51 Kiporï owesyenyi nyo mamïnïng akutoytoyö menot
Kïlenyona, kutoyö ECHOTYON pïchay kïghömï ngwïny kïmïkul, kïpïstö tekatanay pö kanasyan.
Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.
Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.
Atera kilïliyöto ngörekyö nyo pö rïntagh ompö emeni pipö Tororöt kïlentöy, “Karïnta ECHOTYON ompö owesyenyi!
Nyoröy ECHOTYON tötut pö punton akïkwanykwany kinonutkökwa.
Oyokunyi sörö kïtenö osis ompö tïkwïn löwïr cho kighanyi, omwotïtonan kaynengu, ompöwölo karam. Ompö kintöghoghinto tumï. Kïrïp kegh nko “Maalat.” Tum pö Daudi.
Pïghyongi söpontönyan akïmïchï, atotumunyi ompö ngörekyö nko salat.
Kitïghönyi tyompö nanam Raap lökïr aitoytoyenyi punköku ompö owesyengu nyo wow.
Tïngeto ewungu owesyö, wechï wow tya owesyengu.
Otumchinö ECHOTYON tum nyo tökïrel, ompöwölo kegh nyinte ngala töngönchin! Karïnta nyinte ompö ewunyi tagh akïlotisyö ompö owesyenyi nyo wow.
Onkïtön ye nyu lö wow ECHOTYON kïtïl tororötin walaka, ompöwölo kisörunö pipö Israel mori pipö Misri ato kichop kong chane.”
Ngwïnöy Echotyon TORORÖT atökïpayta ompö owesyö, akumïtu pikachi cho kakïsörï nyinte.
Ngeta, we ECHOTYON aisörwecha! Pöghisyeghenö owesyengu tesörwecha, pöghisyeghenö le ato kipöghisyeghenyi otini le awïyay. Mö nyi nye so nyo kitörotör Raap, tyonyanya wow kimi pögh kïlïkwï mïnchïran?
Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.
nyanya kintöghoghchï ompö ewunyi nyo awes akwigh tïkwïn cho echön kuwerï Musa?
Kamwaghan ante ECHOTYON lö, oghinyi we Edom lïkuna kïgh nyo le kite ompö kwenu koros pö ngwïny. Sösinyi ngwïnya kïmïkul.
“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”
Nyoman kinkït chane lö ngo Tororöt, wölo kimökonyïtnye nyinte le wölo keroko kekonyït Tororöt anta ompö kïyang kuyokyï nyinte sörö. Nyinö kötö ighöy lenyoni, kïwöghökisyö kinonutkökwa kïlïkwï kwïle ntömökunan lenyini keroko.
Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,
Anta mi tororöt anka tïkwïl nyo kakumukyï kïchengchï kegh pipö punton akonga kïngetunö piko puntoni walaka? Akïtyamakwa ECHOTYON Tororötïngwo ompö kiporut nko töngönchin nko poryot nko ompö owesyenyi nyo wow anta ompö ighisyewut cho echön cho karkegh nko chanya kyasïwekwa nyinte ompö koro Misri.
Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”
Kïlenyona chumchini nyinte nyarïl asis akonga, sömewut nko sönönöt nko kikar, kïpelöy nyinte ompö ma kuwonyö, ompöwölo awes Tororöt nyo rwokyini nyinte.”
