46 Atolapay kïlö nyu Marya, “Sölöy mïkulöwunyan Echotyon.
Ngörököy nyu söpontönyan ompö ECHOTYON akïturön ompöwölo kösörwanïn nyinte.
Otöninan ante ECHOTYON rïntagh monïngo Israel atökïkonanïn chane konyït.”
Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.
Akïmönyoninye onkït, kïturonchocha ompö kïgh nyo kegh ye Tororöt ompö Echotyontenyo Yeso Kristo nyo keghecha kelinyenö nko nyinte.
Kïlenyona nyu, lentöy Kikirut, “Anka tïkwïl nyo mököy kïkwolöy kegh, kïkwolö kegh ighisyo Echotyon.”
Wölo keyokyinö Tororöt söro nyo ntöghoghwecha kïtenö osis kerïntena poryenyo ompö Kristo! Ighecha nyinte kyamtena man nyo pö Kristo nyo lata sikak kïghömï woptin löwïr.
Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.
Ongörökyenö ompö Echotyon osis tïkwïl otösan ngat omwoghöy lö, ongörökyenö!
Nya kutïlilokwa Tororöt lasiny nyo konecha kalya ompö or anka tïkwïl akïrip mïkulöwekwa nko söponwekwa nko porwoyikwa atalïkuna pich cho melö tïng lelut ato mïla Echotyontenyo Yeso Kristo.
Ochömekwa nyinte, kïrkegh kötomönye asïwenakwa, aghönekwa kïrkegh mosïwïyekwanye nyinte nyete le ye. Kïlenyona ongöreksokwa ompö ngörekyö nyo pö töngönchin nyo möngölononye chi kutinyi,
