LUKA 1:32 - PIPÏLIA

³² Ororitu nyinte akekuro wero Tororöt nyo Töror Tya. Töni Echotyon Tororöt nyinte ngacharu paytaghpa kukötanyi Daudi

LUKA 1:32 ပူးပေါင်းရင်းမြစ်များ

2 SAMWEL 7:16

Ghyongöy kongu nko paytaghtangu kokay akuletöy ngacharu pö paytaghtangu kokay.’ ”

TUMWÖY 132:11

Kyamanyi muma nko Daudi, muma nyo melö iyodonyi lö, “Oghan werïngu akonga kïlïku pöytoghin nyo köchini ngacharungu.

TUMWÖY 132:12

Ato rip werköku mumenyan nko kirurutköchan cho onetan chane, kïlïku werkökwa tïkwïl pöytoghï cho köchini ngacharungu.”

ISAYA 16:5

Atolapay nyu kegh chi akonga nyo pö ara Daudi kïlïkwï pöytoghin, atökïpayta pich ompö man nko chomnyogh. Ighöy nyinte kïgh nyo pö man lawel, akïsïwa lö kegha ngölyonto man.)

YEREMIA 17:25

kïlïtu, pöytoghï cho mïlöy ngacharu pöytoghin Daudi nko yetïntinekwa kukotï kanasyantanete kïpegho angoletin nko nkaritin. Lïtu chane nko pipö Yuda nko löwïr cho möngöy Yerusalem. Lïku nyu Yerusalem kanasyan nyo mangate kokay.

YEREMIA 22:2

“Nyi we pöytoghinto Yuda, nyo itöpo ngacharu paytaghpa Daudi nko mötworiku nko piköku chete lïtöy kukoti kanasyantanï! Atera ngölyontenyan!

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

MATAYO 1:1

Nyï kï kitapu tötut pö ara yiyo Yeso Kristo nyo kipö ara Daudi nyo pö ara Apraam.

MATAYO 12:42

Ghyongöy asispa kirwok kokonay kipöytoy Syepa kurwokyinokwa, ompöwölo kirutowï nyinte kuwany kareranpa kor kïmïkul, kungwïn kïter ngöghomnyo Solomon, amwowokwa lö, mi yi anka nyo wow kïsir Solomon!

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

MATAYO 3:11

Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.

MARKO 14:61

Wölo kïsï Yeso ameyokyïnye ngölyon nyonikïny. Kïtep ngat Tïsin nyo Wow lö, “Aichinyi Kristo,* Wero Tororöt nyo Soyönote?”

MARKO 5:7

akuta ompö kut nyo wow lö, “Ne nyo iyörenaninyi nya Yeso, Wero Tororöt nyo Töror Tya? Osominyi ompö kaynata Tororöt lö, menyarilante kong!”

LUKA 1:15

Ororitu nyinte nyoman ompö tawu Echotyon amögheghönye dipay* anta kumïn. Kinyïghitöy nyinte Mïkulögh nyo Tïlil kïngeta kïmi mu.

LUKA 1:35

Kuyokyï malaykayantanay lö, “Ngwïnchininyi Mïkulögh nyo Tïlil akuwuro owesyo Tororöt nyo Töror Tya parakungu, kïlenyona monïngoni iyiyenyi kekuro nyo tïlil, Wero Tororöt.

LUKA 1:76

Kïkurinyi we montanyu lö, werkoyonto Tororöt nyo Töror Tya. Intöghoghchinenyi Echotyon ateghchinö nyinte arenyi,

LUKA 3:16

Kïlenchï Yoana chane löwïr, “Opötisönekwa ompö pögh, wölo pïnï lötunyan chi nyo wow kïtïlanïn nyo mömïchinanïnye ompö atyak kweghkachi. Pötisönekwa nyinte ompö Mïkulögh nyo Tïlil nko ma.

LUKA 6:35

Wölo achama punkökwo aghchï chane nyo karam, opösöntenö amokön kïgh. Ato aghakwa lenyoni, kïwow ropöwontenkwa alïkunekwa nyu monïngo Tororöt nyo Töror Tya. Ompöwölo ighchini nyinte nyo karam pich cho meyoktoy sörö nko mwokïyis.

YOANA 12:34

Kuyokyï tuyonay lö, “Mwowecha kirurut lö söpöy Kristo* kokay. Kwompö ne nyu telentenyi mïchini kesyol Wero Chi parak? Ngo nyu nyo le Wero Chi nya?”

YOANA 6:69

Akakeghanacha ye akenkït lö ichinyi Nyo Tïlil nyo pö Tororöt.”

IGHISYEWUT 16:17

Kïtas tagh kïrïp Paulö nko acha akuteghonu kïlentöy, “Pipö Tororöt nyo Töror Tya Pïchï. Akwomwokwa ara sörunöt.”

IGHISYEWUT 2:30

wölo ompöwölo ki werkoyon, Daudi, kinkït lö, kiwolwolchï nyinte kwam muma lö, ighöy chi akonga nyo pö ara Daudi kïlïku pöytoghin, kuker Daudi.

IGHISYEWUT 2:36

“Mïchini kunkïtï nyo nyoman pipö Israel löwïr lö, kigh Tororöt Yeso nete kyowudochikwa kimurtöwon, kïlïkwï Echotyon akï Kristo!”

IGHISYEWUT 7:48

“Wölo mömöngönye Tororöt nyo Töror Tya korïn cho teköy pich, kïle wölo mwoytoy werkoyon lö,

RUMI 1:4

Kikiporï lö wero Tororöt nyinte kegh ompö owesyö Mïkulögh nyo Tïlil otini kitutunö nyinte ngwen.

NGONGUT 3:7

“Kirchinö malaykayanta kanisa Piladelpia lö, ‘Anyï ngölyon nyo ngwïno wölo mi nyinte nyo tïlil akï pö man, akïtïng yotöwonto Daudi nyo ato kakïyat kukat, kïmöminye chi nyo köröy ato kar nyinte kukat, kïmöminye chi nyo yotöy.