LOK 4:20 - PIPÏLIA

²⁰ Kitorchï chane morïn pöytoghintencha nyo kikïl ECHOTYON, kikitwoytocha kegh pöytoghintononi le kimïny nyo ighecha kesöpchenö. Akï nyo kikikönecha lö nyinte onkït, nyo sörwecha ompö pungköcho.

LOK 4:20 ပူးပေါင်းရင်းမြစ်များ

TOWUNÖT 2:7

Atolapay kwigh ECHOTYON Tororöt chi ompö nyïngwïtyan akumungchï sörunöyichi söpon, kïlïkwï chichay ighan nyo satate.

TOWUNÖT 44:30

“Kïlenyona nyu tokïpecha wölo mi mötworintengu paponcha amasïwanye werïnyi kïmi nko acha,

2 SAMWEL 1:14

Kïlenchï Daudi chichay, “Kalïkwï ne tömewaghanyi para chi nyo le kïlana ECHOTYON?”

2 SAMWEL 1:21

“Heywey, kutïngkoti Kilpoa, nya kupotenok rop nko röyön anta paren cho okwoghöch! Kikisïmnyonö wöloni longo nyakan amelö kitökeyil longo Saulö.

2 SAMWEL 18:3

Wölo kïlenchï pikachi nyinte, “Mewetenyinye nko acha. Ompöwölo ato kïryaghacha, kïmelö kïgh ompö chane anta kïparecha kwen lö tïch. Ompöwölo ikörenyi kegh nko acha cho le 10,000. Ngwangwa konechanyi kingörokut aimitenyi kanasyan.”

2 SAMWEL 19:21

Kïlö Apisyay wero Seruya, “Mïchini kepar Syimey ompöwölo kichïp nyinte nyo kikïl ECHOTYON kïlïkwï pöytoghin.”

2 OTÖPTINO OSIS 35:25

Kimïn werkoyonta Yeremia tum nyo pö lok paraku megha Yosia. Tumöy tumï löwïr cho le mïrön nko cho le kor, tumwöy cho ngölono Yosia tökwompö nyete le ye akegh kïlïkwï osïl pö pipö Israel, akukirote ompö kitapu tumwöyi lok.

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

YEREMIA 39:5

Wölo kirïp lïko Papilonia ntökïnömchï Sedekia ompölyonto Yeriko atolapay kemïtyï nyinte Nepukadnesa, pöytoghinto Papilon atökerwokyï ompö kanasyanta Ripla, koro Amati.

YEREMIA 52:8

Kïrïp chane lïko Papilonia ntökïnömchï Sedekia ompölyonto Yeriko, wölo kïtoyö lïkenyi akïpïstö nyinte.

YEREMIA 52:9

Kenam nyu Sedekia akepchï pöytoghinto Papilon nyo kimi kanasyanta Ripla ompö koro Amat. Atolapay kurwokyï pöytoghinto Papilon Sedekia

LOK 2:9

Kirulyö söpöghtino kukoti kanasyan kulum pakostina akerïngarïng keti kuköt kïlïkwï mïnchïran. Kakïrang pöytoghintenyi nko yetïntine kïpa pïnotön kapa koro punton wölo melö mi chi nyo netöy kirurut pö Tororöt wölo melö tökïnyoru werkoyikwa sïwïyagh nyo ngwïno wölo mi ECHOTYON.

ESEKEL 12:13

Atolapay nyu aluman nyinte netïnyi, kïnam nyu nyinte ngöghöpunyan atolapay opön Papilon koro Papilonia, amasïwanye wölini, akeporchini wölini.

ESEKEL 17:18

Kipeny nyinte tagh mumanay kyam kïcham kwigh mis wölo makïrïpnye le otini kicham. Möminye nyu wölo chïwïto ompö ngalechï tenö chï kigh löwïr.”

ESEKEL 31:17

Röytoy chane tïkwïl ngwen nko nyinte wölini mi cho kikepar ompö pipö punton.

DANIEL 4:12

Kipïchighöch sökechi akïchang akwechi, ki omisyo pich nko tyonkïn löwïr. Kipkonöy tïpö wudïn kuwuro. Akïpka töritwö kïmang morichi akwam pich löwïr akwechi.

OSEA 13:10

Kunko ye pöytoghintenkwa kïsörunyi? Mi onö kintöghoghikwa kïripokwa nya?

KIRWOKÏ 9:15

Kïlenchï ketay pö kato ketichay, ‘Ato omökekwa nyo nyoman oyilanïn alïkwan pöytoghintenkwa, apkan owurö rurwenyan, wölo atomölenye nyona, nya kungwïna ma ket pö kato akïpel tarakitpa Lepanon!’ ”

1 SAMWEL 12:3

Mwagha ye nyu chi ompö ECHOTYON nko ompö pöytoghin nyo kakïl nyinte. Ngo nyo kyachengan edanyi anta sïkïryenyi? Anta ngo nyo kyalïsan anta opïrön? Anta ngo nyo kikonanïn asoya atökïkarta konyichan? Mwowunö ye atoyokun.”

1 SAMWEL 12:5

Kïlenchï Samwel chane, “ECHOTYON nko pöytoghin cho söwintönchini lö möminye kïgh nyo konyorchikwa morichan.” Kïlö chane, “Owöy, ECHOTYON nyo le söwintencha.”

1 SAMWEL 16:6

Otini kipetöy, kuros Samwel Elyap akïlö, “Nyoman nyete nyo kakïkïl ECHOTYON.”

1 SAMWEL 24:10

Kesïwenyi lö ketöninyi ECHOTYON asete morichan ompö köpön, kïlenchanïn piköchan para nyi, wölo machamanye. Olan, ‘Mopöranye echotyontenyan, nyo le kïlana ECHOTYON!’

1 SAMWEL 24:6

Kïlenchï Daudi pikachi, “Melö chömöy ECHOTYON aghan kïgh nyo gha ompö Saulö, echotyontenyan, nyo le kïlana ECHOTYON. Kïlenyona möchömönye aparan nyinte.”

1 SAMWEL 26:16

Melö karam kïyï keghanyi. Owolwolan ompö kaynata ECHOTYON lö mïchini meghanyi, ompöwölo merïpönyinye echotyontengu, nyo le kïlana ECHOTYON. Mi onö ye ngotpa pöytoghin nko sötenyi pö pögh, chay kömi ato lekïto mötïnyi.”

1 SAMWEL 26:9

Wölo kïlenchï Daudi Apisyay, “Mepar, ompöwölo nyoru chi sitöt nyo pöröy chi nyo le kïlana ECHOTYON.”