64 “Tökyinö chane, we ECHOTYON ompö ghoyïn nyo kigha morikwa.
Inyaril kong chane kïrïp kegh nko ighisyewutkökwa ompö ghöyityö nyo kigh chane. Ichop kong chane ompö ghöyityengwa. Ighokyï cho mïchini!
Wölo nyi we ECHOTYON Kimuktoghin, nyo irwoköy ompö man, isyokenyi mïkulis pö pich nko kinonutkökwa. Osoghinyi tökisyenö ompö chane, ompöwölo kyotönön ngalechan löwïr moriku.
Inkïtönyi kïgh anka tïkwïl, we ECHOTYON! Nanante aingaraka, aitökwo pich cho kechopanïn kong. Memïkukönchï chane nyo kogh, tömönyorï pöroyïn kuwanyanïn. Inkïtönyi tïkwïl lö mwoghanïn pich ompöwölo opöghisyewunyi.
“Okurunö pich cho nkït kïwutïtoy kotï kïpka kïpar Papilon. Arika kanastinechi lö tïlkwïch ntömömi ompö akong nyo muköy kïchïwït. Otönö chane lenyini kisom, aghchï chane lenyini kighchï pikö walaka. Ompöwölo kïsasanyi ECHOTYON Tororöt pö Israel nyo Tïlil.
Lentöy ECHOTYON, “Owetan otököy ghöyïn kïsïwïyi chi anka tïkwïl ompö pipö Papilonia lenyini kighchï Sayon.
akunyar koro Papilon Torchini morïn akïnam Papilon akïrïngarïng kotikwa. Ochan Tororöt nyo omungöy mwokïyis kïlenyona oghchinan Papilon kïrïp kegh nko ghöyïntanyi.
Arye apeghena Papilon, sörunö chi anka tïkwïl söpontöngu! Orip kegh momeghyö kwïle akwompö ngoki Papilon. Ompöwölo pöroyïntanyan nyete nyo otökisïyi, omungan pipö Papilon kïrïp kegh nko ngokikwa,
Kighwanïn nyo gha nyoman Aleksanda nyay le kitonginto kari taghoy. Yokyini Echotyon nyinte kïrïp kegh nko ighisyewutkachi.
Oghchinö Papilon le wölo kighchï pikö walaka, mïchini ompö oghokyinö nyinte cho ghach tya kïnyïl odeny chinö kighchï pikö walaka. Ayina kölöwenyi kumïn cho ngwonöch kïnyïl odeny chinö kiryökï pikö walaka.
Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”
