45 Keghechanyi kelïkuna samï ompö kwenu pipö punton.
Ngeminyi akuwiswis mötöw pich cho petöy arengwa roröchini wïrata Yerusalem kïlentöy, “Akunka nyete Yerusalem nyay mwoghöy pich lö pïchigh kïmolï walaka, akï kanasyan nyo kingörökyini ngwïnya nya?”
Kalïkwan nyu kïgh nyo kïroröchini kötumenanïn chane löwïr ompö tumwöyikwa kwimön.
“Kangemecha akïmïnecha pungköcha löwïr.
Ato mïrchecha pich putintön kesoghsoghecha chane, kikelïkucha samï ompö ngwïny, tïkwïn cho kipuktoy akelasta nko ompö nyete le ye.
Ighokwa ECHOTYON alïkuna kintöghoghi punton, wölo melö kintöghoghwokwa. Onyorunekwa perur osis löwïr amöminye kïgh nyo rörchinokwa ngwïny ato oripökwa kirurut pö ECHOTYON Tororötïnkwa cho omwowokwa asisete.
Otyot pipö koroswechoni yonchinokwa ECHOTYON ompö kïyoni kegha ompö akwa. Pechini chane kukorenokwa akïroröchokwa.
Pösönwokwa chane ropïyen, wölo melö onyorunekwa cho opösönchini chane. Ato mi löt kuntöghoghwokwa chane.
