4 Kechïrkan portanyan akuriyanïn ko
Korïsit portönyan akupokö, kiloyö koyechan ompö kichïr.
Alatan pögh cho kakïmïlchï ngwïny, köchuniö koyechan löwïr, kakarkegh mïkulöwunyan nko tömönchö nyo keyinta.
Kyaghachan lönyïl kwimön ompö lokat, otini kitomönye anganytan ngokichu.
Nya olïmchan kegh ngörekyö nko turönöt, kïrkegh kökeraprapaninyi.
Kyariran kïyech ompö ngwonïn, kïkarkegh nko ato rïngöy ngötïny koyechan. Kyananan lö mi Tororöt kuwongöy söpontönyan.
“Karkegh pipö Israel nko kechir cho sökosöy ngötïny kïtoyö. Kinya kïporyeghö chane pöytoghinto Asirya anyï ye kapar kïrïngarïng chane ko Nepukadnesa pöytoghinto Papilon.
