1 Ochan chi nyo onkït ngwan kïtya sito Tororöt
“Osyonchante, osyonchante heywey kongotichu ompöwölo kömunganïn ewu Tororöt.
Karkegh söpontönyan nko rurwo mönon, kosilönön le sus.
Kekonaninyi nyarïl nko kömpölelyö, wölo ikonaninyi söpon ngat, airipaninyi tömolïtön ngwen.
Köyetï nyölotyengu tya ompö ani, akulumanïn le mirtin cho echön.
Kikïsasacha nyinte aketagh, kimïkukönö nyinte nyarïl nko ngwonïn. Melö kimito chi nyo kilentöy taros nyinte, melö kikiyitöcha nyinte lö kigh.
Kilenyona keratanïn akereytanïn kö pö pögh nyo kipö Malkia, wero pöytoghin. Kilekïto köyoni pö pögh kö pö ripï. Melö kimi pögh köyoni pö pögh kïpoto norayon. Kïlenyona kikireytanïn ntolït norayon ori.
Wechï kepkanïn mogho pö piköchan kösotyö, osönönchinan chane ompö mïghöt nyo wow.
