LOK 2:7 - PIPÏLIA

⁷ Kichal Echotyon wölo kïpelo amörostinechi akuchal tïkwïl konyi nyo tïlil Köpïsï pung kurultö nïyet cho pö kanastinechi atolapay kuteghyeghö chane wölo kikïsoghocha ECHOTYON ompöwölo kirïntecha Kiteghyö ompö ngörekyö le nyo pö asispa ichon.

LOK 2:7 ပူးပေါင်းရင်းမြစ်များ

2 PÖYTOGHÏ 25:9

Akïpel Kö pö Tororöt nko kö pö pöytoghin nko korïn löwïr cho pö Yerusalem nko kö anka tïkwïl nyo ki wow.

2 OTÖPTINO OSIS 36:19

Kïpel Kö pö Tororöt akurultö nïyetwo Yerusalem akïpela ma kori pöytoghin cho pö paytagh akunyar kari löwïr cho pö olyot nyo wow.

TUMWÖY 89:39

Kenyaranyi mumengu nko mötworintengu kepurpurenyi sonkolyenyi terïtyon.

ISAYA 64:9

kïlenyona mesïwa nyo gha ompö acha anta irwokwecha ompö ngokicho kokay. Kïchicha piköku, syonchecha wey.

YEREMIA 21:4

“We Sedekia! Owöghökyininyi kïparinyi kariko lïkengu chï kepöronyi pöytoghinto Papilon nko lïko Papilonia chï mi sanypa kanasyan kurikinyi. Osupchinan kariko lïk löwïr kanasyan kwen.

YEREMIA 26:18

“Kimwochï pipö Yuda löwïr Mika chi pö Moresyet ato ki pöytoghin Esekia nyo pö Yuda lö, ‘Lentöy ECHOTYON Kimuktoghin, kïngoröy Sayon* le par, lïku Yerusalem kïratyan nyo kirulyö korïn kutïkumö akïlïkwï wuw Kö pö Tororöt.’

YEREMIA 26:6

owetan onyoröy köyï pö saghat le wölo kyanyaran Syilo, aghan kanasyantanï kïlïkwï nyo chïptegho koroswö cho mi ngwïny kïmïkul.”

YEREMIA 32:29

Pkonöy pipö Papilonia cho poryegho kanasyantanï akïpela ma. Metukönye mayoni korichay kipetöy piköchan pörkö tökïpelchi amöros akïsagh tororötïngwa Paal* akï pighchï dipay* tororötinekwa walaka, tïkwïn cho kighanïn anarek.

YEREMIA 39:8

Ataye kokay, kimi pipö Papilonia kïpelöy kö pö pöytoghin nko kori pich walaka akurultö nïyet pö kanasyanta Yerusalem.

YEREMIA 4:26

Kyasïwan lö kïlïkwï korïron korö nyo ki akwagh tagh, akïwïryö kïlïkwï kïratis kanastinechi, akwompö nörekyo ECHOTYON nyo ngwan lakat.

YEREMIA 4:27

Ompöwölo lentöy ECHOTYON, “Lïku korö kïmïkul surkwen, wölo motïpanye lömïs.

YEREMIA 50:28

“Atere köny! Peru pich cho chïwïtyeghö Papilon akïpka kïmwatïtegha Sayon wölo töktoy ECHOTYON Tororötïnyo ompö pipö Papilon cho kinyar Konyi nyo pö saghat.

YEREMIA 52:13

Atolapay kïpela ma Kö pö Tororöt nko kö pö pöytoghin nko korïn löwïr ompö Yerusalem. Kimöminye kö nyo wow nyo kingötï makïpel.

LOK 1:4

Kisyonï ortïna cho petöy kugheghöy Sayon* puryö chi nyo weröy ortïnechoni osiswo ichontin ompö Kö pö Tororöt.* Möminye chi nyo kïsïwechini kukotichi, mi tïsichi lok ompö kiwongunöt. Kakichutsötö tipichi kwam nyarïl. Mi Sayon ngonïn nyo mamïnïng.

LOK 2:1

Keluma Echotyon Sayon* tuwïn pö nörekyenyi. Kewur nyinte tïkwïn cho kikuso kegh pipö Israel kïlïkwï kwïle. Amelö kitökunan ompö nyini le Konyi nyo pö saghat, ompö asisoni pö nörekyenyi.

LOK 2:5

Kenyar ECHOTYON Israel le punyon kenyar kori pöytoghikwa tïkwïl Akïtösyï pipö Yuda lok nko meghat.

ESEKEL 24:21

lenchinö pipö Israel, lentöy Echotyon TORORÖT: arosa osïmnyonan Konyan nyo tïlil. Wonyot kiwulata owesyenkwa nko tïkwïn cho okwolokwa kegh nko cho ochömekwa löwïr.

ESEKEL 7:24

Opunan pipö punton cho ghach nyoman kïpka kïmang korikwa, owonyan owesyengwa nyï kwolo kegh, akesïmnyon korikwa cho tïlilöch.

LAWIN 26:31

Onyoran kanastinekwa arultan korikwa pö saghat. Amelö tökïnguchinanïn nyo karam tïkukwa chay onyïn.

LAWIN 26:44

Wölo kïrkegh kimi chane koro pungkökwa, kïmelö ocholtenan chane awany lömïs, tömenyara mumenyan nko chane, ompöwölo ochan ECHOTYON Tororötïngwa.

AMOS 2:5

Kïlenyona oyokyinan ma Yuda tökuwany nïyet pö Yerusalem.”

MIKA 3:12

Kïlenyona kïngoröy Sayon le par akwompö akwa lïku Yerusalem kïratyan nyo kirul kutïkumö, akïpita wuw nyo wow Kö pö Tororöt.

MATAYO 24:2

Kuyokyï Yeso lö, “Osïwïyekwa teksyonete kïmïkul nya? Omwowokwa nyoman lö möminye kagh ompö akonga nyo kïpïsyini kughyongo parakuto kada anka, kïwirchini ngwïny löwïr.”