LOK 2:22 - PIPÏLIA

²² Kikurönyi pungköchan kïpka kïporyeghenanïn kipka le pich cho tuyechini omisyo akor Puryö chi nyo le ompö akonga nyo chïwïtöy ompö asisoni pö nörekyengu. Kipar pungköchan monechan, monïng cho kyanaman kïmïnkech.

LOK 2:22 ပူးပေါင်းရင်းမြစ်များ

2 OTÖPTINO OSIS 36:17

Kïlenyona kïyonchï ECHOTYON chane pöytoghinto Papilonia kungwïn kïpara chok chumwakökwa ompö cho kömi wölo tïlil. Kimötïngnye kisyonöt ompö karöchïnin anta työ, anta mïrön anta nyo kiyosit kitö chane löwïr mori pöytoghinto Papilon.

TUMWÖY 31:13

Otini kalïman pungköchan kï chomanïn asïwan lö, kiwitanïn tapan. Mi kïtötöy kïwökanïn. Mököy chane kïparanïn.

ISAYA 28:19

Mïghitokwa kïnomnyö mungötononi otini kölïtï. Ompöwölo lïtu otini kayech, akuker lenyoni asista nyo pö odeny. Okömöghekwa ompö mungötononi pöghet nko nangat. Ipu otyogh ompö akwa ngölyon anka tïkwïl nyo ngwïno wölo mi Tororöt.

YEREMIA 11:11

Kïlenyona, omwoghan ante ECHOTYON lö, opchinan chane kiwurat nyo memukönye kïchïwïtyeghö kïrkegh kïrirchanïn, moterchinanye kokay.

YEREMIA 14:19

Heywey we ECHOTYON, ketaghanyi so nyoman pipö Yuda? Kikulilinyi kïgh so pipö Sayon?* Ompö ne nyu temungechanyi ntökwanyï ye mökïlöghsocha moyoköcha kokay? Kikikönecha lö kïnyoru kalya, wölo kinyorï ngo ne nyo karam? Kikikonecha lö itu ato kïsöpchonecha, wölo kwitwecha otyogh nko nyarïl kwïle!

YEREMIA 20:3

Ato le asïyech tökwoghö, kungwïn nyinte kutyakanïn, akïkany kumuchö olenchan, “Melö tökïkurinyi ECHOTYON ngat lö, ‘Pasyur,’ wölo kurinyi lö, ‘Ghöyityö woptö tïkwïl.’

YEREMIA 21:7

Wölo otöninan, Sedekia pöytoghinto Yuda nko mötworichi nko pich cho köngötunö sömew nko chok nko kömöy, mori Nepukadnesa, pöytoghinto Papilon nko pungkökwa cho möro kong kïparakwa. Pörokwa nyu atoni Nepukadnesa ompö ngot nyo puryö kisyonchin akï puryö nyo ngötu.”

YEREMIA 44:7

“Kïlenyona otepokwa ante ECHOTYON Kimuktoghin, Tororöt pö Israel lö, ompö ne toyörchinö kegh nyarïl nyo teno nyï? Omökekwa so onyorey mïrön nko kor nko monïng ompö cho le mnyarkiltin ntökïtenö kuwonyö pich lömïs cho mi Yuda?

YEREMIA 46:5

Wölo ne kitö nyï kasïwan nya? Atï kewöghisyö lïkonay akuyoda kegh löt! Kakïrïnta lïkonay! Kewöghisyö akïryagh nyoman, ameyokunye kong löt nyonikïny mïghö kwïle nyo kinyïghï kuwit.

YEREMIA 6:25

Mökemukechanye kepete paren, anta kepestegha ortïna kanasyan, ompöwölo kikutö egh pungköcha karikwa cho pö poryot, akikuwitecha nyarïl wop tïkwïl.”

KINONO KIRURUT 28:18

“Chïpöy ECHOTYON yiyenkwa nko parenikwa nkok yakikwa.