LOK 2:15 - PIPÏLIA

¹⁵ Ngeminyi akuwiswis mötöw pich cho petöy arengwa roröchini wïrata Yerusalem kïlentöy, “Akunka nyete Yerusalem nyay mwoghöy pich lö pïchigh kïmolï walaka, akï kanasyan nyo kingörökyini ngwïnya nya?”

LOK 2:15 ပူးပေါင်းရင်းမြစ်များ

2 PÖYTOGHÏ 19:21

lentöy ECHOTYON Tororöt pö Israel ompö Senakerip, “Roröchininyi akïsasinyi Sayon,* kangeminyi akïmïninyi kanasyanta Yerusalem.

2 OTÖPTINO OSIS 7:21

“Akwompö köyï syolote kikitïngchï le nyï kïtöngönchini chi anka tïkwïl nyo weröy yete akïlentöy, ‘Ompö ne tökwighchï ECHOTYON koronï nko Köyï kïgh nyo lenye nyï?’

TUMWÖY 109:25

Ngemanïn chane le kïgh nyo makes akupirpiröy mötöwekwa nyini kasïwanïn.

TUMWÖY 22:7

Ngemanïn pich löwïr cho sïwïyanïn akunkölchinanïn, akupirpiröy mötöwekwa.

TUMWÖY 48:2

Kogh akï pïchigh Sayon,* kutïng pö Tororöt nyo mi okumpö löt. Ipchini kanasyanta pöytoghin pipö ngwïny kïmïkul ngörekyö nyo wow. Lata Sayon kutïng pö Sapon parak.

TUMWÖY 48:3

Kakuporï Tororöt lö tïghume ori nayatu kanasyan.

TUMWÖY 50:2

Lïwuno Tororöt Sayon,* kanasyan nyo pïchigh tya.

TUMWÖY 64:8

Wuröy chane ompö ngalekwa, pirpiröy möt chi anka tïkwïl nyo sïwïyi chane.

ISAYA 28:21

Poryot ECHOTYON kïkarkegh nko wölanya kiporyeghö kutïng pö Perasim nko mpöghoghyo Kipyon, atökumï kwigh kïgh nyo mököy kwighöy, kïrkegh köwöngöy pich ighisyewutkachi lö ne! Wongöy ighisyenyi nyo pö töngönchin.

ISAYA 37:22

anyï nyu ngölyon nyo mwochini ECHOTYON Senakerip, ‘Roröchininyi akïsösinyi pipö Sayon.* Pirpiro mötöweka lötungu pipö Yerusalem.

ISAYA 64:11

Kikuwur ma kongu nyo tïlil, wölo kisogho akïsöleninyi papotïnecha. Kikïlïkwï kïratis wölo kikïchömecha löwïr.

YEREMIA 18:16

Kikwigh chane koronï kïlïkwï nyo kyotyeghchini, akesas kokay. Chïrïmchini chi anka tïkwïl koronete nyo wetöy pantanyi, pirpiröy mötöw ato sïwa kïgh nyo kigha ompö korenete.

YEREMIA 19:8

anyaran kanasyantanete kwotyeghchï pich akupirpir möt chi tïkwïl nyo wetöy pantanyi.

YEREMIA 25:18

Cho pö tagh kïgha kï kanasyanta Yerusalem nko kanastina Yuda nko pöytoghikwa nko kintöghoghikwa. Lïku nyu koroschoni surkwen akï nyo atosïwa pich kwotyö. Kïpöghisyegho kaynengwa ompö chïpö nko nyete le ye.

YEREMIA 25:9

okurunan punton kïpkana koros cho mi okumpö löt nko mötworintenyan Nepukadnesa, pöytoghinto Papilon. Okurunan kïpka kïporyeghö pipö Yuda nko pöröriskachi. Owongan chane lömïs, aghan chane kïlïkwï cho mïghyot akwotyö akïroröchï pich kokay cho sïwïyi.

YEREMIA 26:6

owetan onyoröy köyï pö saghat le wölo kyanyaran Syilo, aghan kanasyantanï kïlïkwï nyo chïptegho koroswö cho mi ngwïny kïmïkul.”

YEREMIA 29:18

Opïrpïrenan chane ngot nko kömöy nko sömew nyo gha. Oghan chane kïlïkwï pich cho atosïwa pikö walaka kwotyö akïmïghyö. Kïmïnöy chane kwararit akepöghisyeghö kaynengwa ompö chïpö.

YEREMIA 48:27

Ayo Moap, inonenyi lö kiroröchinenyi ompö sas pipö Israel nya? Kikïnam so nko chorï tökïlïku nyï iköntonenyi möt otini ingölononyi chane?

YEREMIA 51:37

Orulan Papilon kutïkumisyö koghïn. Lïku möngot pö chepkonöw wölo kïsösöy akewöghöy kewer akï wölo puryö chi nyo möngöy ori.

LOK 1:21

“Tere riratenyan, puryö chi ompö akonga nyo ngwïnöy kïsoghsoghanïn. Kingörekyö punkachan otini kilïm lö kipkanïn ECHOTYON nyaril. Kanya kwitï asis nyo kiyomisönyi lö orwokyini pich aigh punkachan kïnyorï nyarïl le ani.

LOK 1:8

Kigh Yerusalem ngokï cho ghach nyoman, kïlenyona kalïkwï Sïmnyon Kisas pich löwïr cho kikonyïtöy nyinte ompöwölo kisïwa chïrutyenyi. Loköy akïkörto konyichi ompö arasï.

LOK 2:16

Kangeminyi punköku löwïr akurosinyi ompö kong nyo pö kililat Roröchininyi chane kïlentöy “Kakinyaracha kïtuwit! Nka nyete asis nyo kikïköngecha kwitï!”

LOK 2:6

Kiraprap ECHOTYON konyi nyo pö saghat le söpoto par. Kitagha ECHOTYON Sayon kïkonyït ichontin nko Sapato.* Katagh tïkwïl pöytoghin nko tïsin anka tïkwïl ompö nörekyenyi nyo ngwan.

ESEKEL 16:13

Kitïngönyi kari koltin nko silpa ailokenyi osis sïro pö katani cho kikïsïl nko karïn. Kyomenyi makatin cho kikigha pïsya nko kumat nko mwaghpa orolwö. Pïchighitunyi nyoman ntökïrich lïkunanyi koko pöytoghin.

ESEKEL 16:14

Kirumtenyi ompö punton akwompö pïchighyengu, ompöwölo ani nyo kyaghinyi pïchighituna. Mwoghöy Echotyon TORORÖT.

ESEKEL 23:32

Lentöy Echotyon TORORÖT, “Igheghenyi ompö kikompo cheptönkwa, kikompa nyo wow akïpöro. Roröchininyi akesasinyi pich, ompöwölo nyïghitate nyoman.

ESEKEL 25:6

“Lentöy Echotyon TORORÖT, kïle wölo kyolïlïyisyekwa ongörekyö akwompö koro Israel.

ESEKEL 5:15

“Oghinyi le kïgh nyo pö arasï nko sasat akïtöngönchï puntonï cho kiwitinyi, otini korwokunyi ompö nörekyö nko sïngiryö nyo gha amunginyi. Ani ECHOTYON nyo kamwagh.

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

MIKA 6:16

Ompöwölo kyarïpakwa otöptino pöytoghin Omri nko otöptin löwïr cho pö kö pö Aap Akyarïpakwa tïkwïl ngalekwa nyo owonyokwa nyo mötïny akiroröchokwa pipö punton löwïr akïroröchokwa pipö punton ompö sasa.”

NAUM 3:19

Möminye sakït cho muköy kusop moyoköku, metukïnyinye moyochoni kokay! Otini kalïm pich lö kikenyarinyi, röpoköy morïkwa ompö ngörekyö, ompöwölo, ngo nyo mönyorïnye nyarïl, kïrïp kegh nko ighisyewutköku cho ghach nya?

SEPANIA 2:15

Nka nyete kïgh nyo igho ompö kanasyantanï kip kegh yïm, nyï nonchini kegh lö, “Möminye kanasyan anka nyo karkegh nko ani.” Anyï kalïkwï yenyu kïratyan nyo möngöy tïpö wudïn. Pïrpiröy chi anka möt nyo weröy kanasyantanoni akwotyö nyoman!

MATAYO 27:39

Kukworyö pich Yeso cho kiweröy otini akupirpiröy mötöwekwa kïlentöy,

MARKO 15:29

Kumwa pich cho kiweröy otini akupirpiröy mötöwekwa kïlentöy, “Nyi nyay kilentöy onyoröy Kö pö Tororöt* aitek ompö osis sömök!