LOK 2:11 - PIPÏLIA

¹¹ Kalokan kuchiryanïn konyïn mi söpontönyan nyarïl nyo wow nyoman kowongwan nyoman ompö kinyarata piköchan nko kinkïyuyata monïng nko mnyarkiltin ompö ortïna kanasyan.

LOK 2:11 ပူးပေါင်းရင်းမြစ်များ

AYUPU 16:13

Kerikanïn pikachi cho wutu kotï keröy nyinte söromoköchan, melö syonchinanïn akïmïlchï ngwanenyan ngwïny.

AYUPU 30:27

Soyöy mïkulöwunyan amösisönye, köpkonchanïn osiswo nyarïl.

TUMWÖY 119:82

Koghochö konyichan kïköngöy kiyomisötengu, katepan lö, “Oyï ato isoghsoghaninyi?”

TUMWÖY 22:14

Alatan pögh cho kakïmïlchï ngwïny, köchuniö koyechan löwïr, kakarkegh mïkulöwunyan nko tömönchö nyo keyinta.

TUMWÖY 31:9

Isyonchante, we ECHOTYON, ompöwölo omitan nyarïl. Kewonyeghö owesyö konyichan ompö lok nko portönyan nko söpontö tïkwïl.

TUMWÖY 38:8

Ochan nyarkalal akikeraprapanïn, osönönan ompö nyarïl nyo mi mïkulöwunyan.

TUMWÖY 6:7

Melö tosïwïyan lasiny, kökutu konyichan ompö lok, ompöwölo kechopanïn kong punkachan.

TUMWÖY 69:3

Kokursyan ntaghach nka nyï ye kikïyam sïghintenyan. Kewongwï konyichan otini orirchininyi.

ISAYA 22:4

Nka nyoni omwoghan lö topönö wölona aipïstanïn orirchan pikachu cho kömeghö ompö ngonïn, mesusöy kegh lö osoghsoghanïn.

ISAYA 38:14

Ki mïnïng kutinyan akïnyarkalal, kyateghan le cheptukwö. Kyoghochö konyichan otini kyotopönön yïm. Kïsörunenanïn Echotyon nyarïltanyu kïmïkul.

ISAYA 51:20

Pïtyot pikökwa ompö nyörkölelyö, ompö ara kanasyan anka tïkwïl. Lata cheptirkich nyo kanam ngöghöpo sökosin. Könyorï chane nörekyo ECHOTYON, kanam chane sïngiryo Tororöt.

YEREMIA 14:17

Kimwowanïn ECHOTYON lö mwochinö pich lö, “Nya kïtörengwanïn lok kïyech kwimön, nya kïtörengu, amötos! Ompöwölo kikemung piköchan kïpa kisön, ompö sitöt nyo ngwan lakat.

YEREMIA 4:19

Ngwonïn! Ngwonïn nyo tya nyï nya wey! Komelmelön ngwïny ompö ngwonïn! Kawiranïn kisön mïkulögh nyoman, amökonanïnye apayas. Komïghön ompöwölo kalïman kontï, kakut chi konti poryot.

YEREMIA 44:7

“Kïlenyona otepokwa ante ECHOTYON Kimuktoghin, Tororöt pö Israel lö, ompö ne toyörchinö kegh nyarïl nyo teno nyï? Omökekwa so onyorey mïrön nko kor nko monïng ompö cho le mnyarkiltin ntökïtenö kuwonyö pich lömïs cho mi Yuda?

YEREMIA 8:19

Atere piköchan cho lokyot, karir kore kïmïkul kïlentöy, “Mökïminye so ECHOTYON Sayon?* Kiwö onö Pöytoghinto Sayon nya wey?” Yokyini nyu chane ECHOTYON Pöytoghintengwa lö, “Kyanarekan ompöwölo kyasaghakwa tororötin cho le kwïle, akïtïngchï körkeyïntin cho monkïtökwanye?”

LOK 1:11

Kiriryö pikachi ompö nyarïl nyo wow otini kisïngöy kïyörchini kegh omisyö. Kitötö mökosyengwa atökïnyorï omisyo tömömeghö Riröy Yerusalem kïlentöy, “Rosante we ECHOTYON omitan tangany!”

LOK 1:16

“Nka nyu nyoni kïgh nyo keghanïn arir kariran kïnyïghitanïn lok kong möminye chi soghsoghanïn anta nyo kilanïn. Mökïminye kïgh nyo könöy monechan ompöwölo karïntanïn punyontenyan.

LOK 1:20

“Topöne köny chopatenyan, we ECHOTYON mi söpontönyan nyarïl nyo wow nyoman! Kewonyanïn por lökïr akwompö ngokichan mito pörchö ortïna kanasyan mi megha kömöy nko kichïr kestoni tïkwïl.

LOK 5:17

Kikösyö acha mïkulis akïtïpecha lok konyïn tömökerosïtone lasiny.

LUKA 23:29

Ompöwölo pkonöy osiswö cho lentöy pich, ‘Ngörechot tya korï cho le sonon cho kimösïkcha monïng, amererïcha mnyarkiltin.’

1 SAMWEL 30:4

Kïrir Daudi nko pikachi ntömökïtïngcha owesyö nyo lokyot.