LOK 1:3 - PIPÏLIA

³ Kakiwuw pipö Yuda kïpa pïnotön, Kapa nko kireyat nko sekeynön nyo gha! Kapa kïmang kwenu punton amelö mi wölo nyorchini kimïny. Kayon pung chane ntökïnam amelö mi wölo chïwïtoy.

LOK 1:3 ပူးပေါင်းရင်းမြစ်များ

2 PÖYTOGHÏ 25:11

Kïrang Nepusaradan pich cho kidong kanasyantanay nko söpïch pö pich cho le tïngon nko cho kökikupertegho pöytoghinto Papilon.

2 PÖYTOGHÏ 25:21

Kïmuny pöytoghinto Papilon chane ompö Ripla koro Amat atolapay kepar. Kïlenyona kerang nyu pipö Yuda korengwa akegh kïlïkwï pïnot.

2 PÖYTOGHÏ 25:4

Kïngany pïchay nayatu kanasyantengwa, kïrkegh kimi pipö Papilonia kuriköy chane. Kuperta pöytoghintö nko piko lïk löwïr oghökwen, kipa akuwer or nyo kikwen nïyetwo odeny nyo lekïto para pöytoghin akupertoy kutang mpöghoghyo Arapa.

2 PÖYTOGHÏ 25:5

Wölo kïrïp pipö lïko Papilonia pöytoghin Sedekia ntökïnömchï mpöghogh nyo lekïto Yeriko, kïtoyö piko lïkenyi.

YEREMIA 13:19

Kikurik pung kanastina Nekep* amöminye chi nyo muköy kïyotï chane. Kakïrang pipö Yuda kïpa pïnotön.”

YEREMIA 16:16

Lentöy ECHOTYON, “Arose! Kokurön nömï cho chang kïpka kïnam pïchete le nömi kaghagh. Atolapay okurön sökosï cho chang kïsakas chane ompö kutïngkot nko komos nko ghatoy nko köpönot.

YEREMIA 24:9

Oghan chane kïlïkwï cho mïghyegho akwotyeghö pipö koros ompö ngwïny kïmïkul. Mïnöy akïroröchï pich chane. Ripöy chane chïpötö ompö wop tïkwïl wölini otulchinan.

YEREMIA 39:9

Söromunyi kungwïn Nepusaradan, wowïn pö ripi pöytoghinto Papilon akïrang pich cho kingötï kanasyan nko cho kichamta kegh kenam kïpa Papilon.

YEREMIA 52:15

atolapay kïrang le ratan kïpa Papilon pich cho kingötï kanasyan nko cho kichamta kegh kïnam lïko Papilon. Kirang tïkwïl pich cho le tekï.

YEREMIA 52:8

Kïrïp chane lïko Papilonia ntökïnömchï Sedekia ompölyonto Yeriko, wölo kïtoyö lïkenyi akïpïstö nyinte.

LOK 2:9

Kirulyö söpöghtino kukoti kanasyan kulum pakostina akerïngarïng keti kuköt kïlïkwï mïnchïran. Kakïrang pöytoghintenyi nko yetïntine kïpa pïnotön kapa koro punton wölo melö mi chi nyo netöy kirurut pö Tororöt wölo melö tökïnyoru werkoyikwa sïwïyagh nyo ngwïno wölo mi ECHOTYON.

LOK 4:15

Kiteghchï pich chane kïlentöy, “Anaka! Ape, ochikwa sïmnyon! Moswongöy pich!” Nka nyay kiwusötö chane kïghömï koros amelö mi chi nyo kitach chane ompö kestonikwa.

LOK 5:5

Kakïlenchecha akasana tïkwïn cho nïkisöch le sïkïröy kökyoghöchecha wölo möpïswechanye chi kemungö.

ESEKEL 5:12

Owonyokwa cho le kareran akonga ompö amal nko ompö kikar, kuwany chok kareranta anka nyo pö sömök. Atolapay otoytoyan kareranta anka nyo pö sömök kïmï ngwïny kïmïkul orupan chane chok.

KINONO KIRURUT 28:48

Kïlenyona ye nyu opöghisyechinekwa punkökwo cho yoku ECHOTYON kïporyeghö ompö kömöy nko maral. Opetekwa kïchïrutöch akïrörchinokwa kïgh anka tïkwïl. Chopokwa kong ECHOTYON akuwangekwa lömïs.