LAWIN 2:2 - PIPÏLIA

² akwipchï tïsï cho pö ara Aron. Chengöy nyu tïsin pïsya römut akonga nko mwada nko tïkuchay löwïr ngutoy cho onyïn, atolapay kïpel kïlïkwï machey nyo pö pïsyechay löwïr ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 2:2 ပူးပေါင်းရင်းမြစ်များ

NEEMIA 13:14

Inanante, we Tororötïnyu, amewutyeghö ighisyewutköchan löwïr cho karamach cho kyaghan ompö kongu nko sowutkö.

NEEMIA 13:22

Atolapay omwochan pipö Lawi kutïlil kegh akïpka kïrip ortïn atö kïtïlilit asispa Sapato. Inanante ompö choni, we Tororötïnyu, aikamanante ompö chomnyengu nyo pö kokay

WUWÖT 30:16

Ichengonyi pipö Israel suru kinyoryogh, atökïpöyit ighisyo Ema nyo mi ECHOTYON, atökïlïkwï ropöwontenkwa ompö tawu ECHOTYON.”

ISAYA 66:3

“Ighöy pich le wölo kömöktoy. Karkegh ompö chane ato kapar egh akwigh kïlïkwï amöros anta tötö ptangengmöt kïlïkwï amöros. Ato ketötö wawa kech anta karïng katpa kukïy. Ato ketötö pagh cho kïroptoy anta kisön pö nkïruwen. Ato ketötö mankoy cho ngutoy cho onyïn anta sagh körkeyïn. Pïlilöy chane nyoman ortïn cho kïrïpöy ato kïsoghöy.

LAWIN 1:13

Wölo köytoy nyinte kwanka akïmwata pögh ngortine, atolapay kutö nyu tïsin ECHOTYON panye löwïr akïpel ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 1:17

Chengöy nyinte tarite akïkarer kïmi nko köpepokö, wölo melö köreröy kïlïkwï odeny. Atolapay kïcheng tïsin akïpel tarite kïmïkul ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 1:9

Köytoy nyinte kwanka akïmwata pögh ngortine, atolapay kïpel tïsin panye löwïr ompö ato kïpelo amöros le ropöwon nyo ngutoy nyo karam ompö ECHOTYON.

LAWIN 2:16

Pelöy nyu tïsin kareranpa ropöwontononi le machey nyo pö tïkuchini löwïr le ropöwon nyo kakïpel ompö ECHOTYON.”

LAWIN 2:9

Chengöy nyu tïsin kareranpa ropöwon, kïlïkwï machey nyo pö makatin löwïr ompö ato kïpelo amöros le ropöwon nyo ngutoy nyo karam nyo ompö ECHOTYON.

LAWIN 24:7

Atolapay itö tïkuchay ngutoy cho onyïn parakungwa tökïlïkwï machey nyo pö makatinechay löwïr atökeropchï ECHOTYON ompö Ema.

LAWIN 4:31

Chengöy nyu tïsin sunetkö löwïr le ato chengöy cho pö ropöwo pöghisyö. Atolapay kïpel ompö ato kïpelo amöros atökïlïkwï tïkwïn cho ngutoy cho onyïn ompö ECHOTYON. Ighöy tïsin lenyoni ompö ngoki chi, atökïlinyö nko ECHOTYON atökelöstoghchï.

LAWIN 5:11

“Kïnyïl ato memïnye kïnyorï chepïrïmpen odeny anta kayuntun odeny, kwipï nyu pïsya cho pö kilö akonga le ropöwonto ngokï. Melö töni mwaghpa orolwö anta tïkwïn cho ngutoy cho onyïn, ompöwölo ropöwonto ngokï.

LAWIN 5:12

Ipchini nyinte tïsin nyo römöy römut akonga kïlïkwï machey nyo pö pïsyechay akïpel ompö ato kïpelo amöros le ropöwonto ngokï ompö ECHOTYON.

LAWIN 6:15

Chengöy tïsin pïsya römut akonga nko mwada nko tïkuchay ngutöy cho onyïn, atolapay kïpel le machey nyo pö pïsyechoni löwïr ompö ato kïpelo amöros, ngutogh nyo anyïn nyo mïlöy ECHOTYON.

KIYITUT 5:18

Mïtu nyu tïsin kokanay tawu ECHOTYON akutyak pute akutö morichi ropöwo pagh cho pö kinonchin, choni kï ropöwo pagh cho pö sastagh. Nömöy nyu tïsin tïwananay mi pögh cho ngwonöch cho ipu chïpöt.

KIYITUT 5:26

Atolapay kïram tïsin cho pö römut kïlïkwï ropöwo pagh akïpel ompö ato kïpelo amöros, atolapay kutö kokonay pöghechay kïgha.

IGHISYEWUT 10:4

Kuwagh malaykayantanay kïtöngönchï akuyokyï lö, “Ne kitö nya Echotyon?” Kuyokwï malaykayantanay lö, “Kakïtach Tororöt sowutköku nko ighisyewutköku cho pö pöropchö, akakunaninyi.