KIRWOKÏ 9:28 - PIPÏLIA

²⁸ Atolapay kïlö Kaal wero Eped, “Kamecha ne nya pipö Syekem? Ompö ne tökïpöytonecha Apimelek? Lentöy nyinte ochï ngo? Melö so kötö wero Kidyon nko ripintenyi Sepul cho köpöghisyechini Amor nyo kitor Syekem? Melö mïchini kïpaytecha Apimelek.

KIRWOKÏ 9:28 ပူးပေါင်းရင်းမြစ်များ

TOWUNÖT 33:19

Kyala korononi kitek möngenyi werpö Amor nyo kile papoto Syekem ompö ropïyeni silpa cho kile pokol akonga.

TOWUNÖT 34:2

Nyini kisïwa Syekem wero Amor nyo kile chi pö Ipiti, aki nyinte nyo kirwokyini korononi, kïnam chepay akïpatal nyinte ompö owesyö. Kïlenyona, kutö arasï nyinte.

TOWUNÖT 34:6

Kïwö Amor papoto Syekem aloto ka Yakopo,

2 SAMWEL 20:1

Kimi chi nyo gha nyo kikïkuro kaynenyi Syepa wero Pikri nyo pö ara Penchamen, kïkut kontï akïlö, “Mökïtïngetechanye kareran ompö Daudi amelö kïtïngöcha mïlat ompö wero Yese. Nya kïwö chi tïkwïl emenyi, akwa pipö Israel!”

1 PÖYTOGHÏ 12:16

Wölo otini kisïwa pïchay lö melö kiyang pöytoghintonay ngalekwa, kuyokyï nyinte lö, “Apakaytena Daudi nko konyi, melö kïtïngetecha kïgh nyonikïny nyo kökiporöy tagh nko wero Yese. Kepechinö kegh, kemïlisyenö kestonicho cho kïchï pipö Israel! Ichïpo kongu onkït, we Daudi!” Kïlenyona, kïpechï kegh pipö Israel kestonikwa.

KIRWOKÏ 9:26

Atolapay kïwuchï Kaal wero Eped Syekem nko werkökwa, kughan pipö Syekem nyinte.

KIRWOKÏ 9:41

Kïmang Apimelek Aruma, kïyon Sepul Kaal nko werkökwa kïwuwö Syekem, amelö kitökïmang wöloni ngat.

1 SAMWEL 25:10

Kïlenchï Napal pïchay, “Ngo nyï le Daudi nya? Akï ngo nyï le wero Yese? Mi osiswechete mötworï cho ryögho wölo mi echotkökwa.