KIRWOKÏ 7:20 - PIPÏLIA

²⁰ Kïpechï söpïchtinechay walaka tïkwïl kïkut kontinekwa akïtïgh törenikwa. Kinömo ewunekwa cho pö löt kitömöw akïnömo kontine ewunekwa cho pö tagh akuteghyö lö, “Choko ECHOTYON nko Kidyon!”

KIRWOKÏ 7:20 ပူးပေါင်းရင်းမြစ်များ

ISAYA 27:13

Kïkutöy kontï otini ketï asisoni nyo kuruno pich koro Asirya nko nyo pö Misri pipö Israel cho kipïnchï koroswechoni. Mïlonchot chane akïpka kïsagha ECHOTYON kanasyanta Yerusalem, kutïngtanyi nyo tïlil.

YEREMIA 47:6

Koriryökwa, ateghyö olentöy, ‘Ayo we chokonï pö ECHOTYON, oyï ato isisenyi amepörisyenö nya? Ne melït malyantengu aisisï kegh!’

1 KORINTO 15:52

panini lawel le ato kakimis kong akengany otini köchögh kontï nyo pö söröm. Ompöwölo otini köchögh kontinoni, kegh pich cho kimeghö kututï akïtïpï ompö otöp nyo melö tökïnïnöy ngat, akewaghakecha.

2 KORINTO 4:7

Kïlatecha nyu cho kïtïng mökosyononi pö mïkulögh kari tören, atökïrumtö lasiny lö, ngwïno owesyononi wow wölo mi Tororöt amelö ngwïnonecha achane kegh.

1 TESALONIKE 4:16

Ompöwölo rökuno Echotyon nyinte yïm taghöy Tororöt kïmwowu ngölonöy malaykayan nyo wow akïlïm pich chöghöto konti Tororöt. Nyoghöy nyu kututu pich cho kimeghö ompö Kristo.*

EPRANIA 11:4

Kigh kighanat Apel kutö Tororöt amöros nyo karam kïtïl nyo pö Kain. Kuyit Tororöt nyinte lö, pö man akwompö kighanatenyi, kïsöwintönchï Tororöt kïcham ropöwechi. Kima Apel wölo mi kïngölonöy akwompö kighanatenyi.

YOSWÖ 6:16

Otini ketomtö kiwitata mut nko odeny akïkut tïsï kontin, kïlenchï Yoswö pïchay, “Oteghyenö! Ompöwölo kikïkonokwa ECHOTYON kanasyantanï.

YOSWÖ 6:20

Otini kilïm pich chöghöto kontin kuteghyö tya, kïrul nyu nayatunay lö wanka. Kïwö chi anka tïkwïl kutenar kïtopön tawunyi. Kïnam chane kanasyantanay.

YOSWÖ 6:4

Ipöy nyu tïsï cho le mut nko odeny kontin mut nko odeny cho pö kuyo mökol ompö tawu Santuku Muma,* owitekwa nyu kanasyante kïnyïl mut nko odeny ompö asispa mut nko odeny kïmi tïsï kïkutöy kontin.

2 PETRO 1:15

Kïlenyonanyu onoghyonan nyoman ntoporwokwa or nyo onono asïyech ngalechï löwïr ato tenö kyameghan.

KIRWOKÏ 7:19

Kïkany kwitïta Kidyon nko pïchay le 100 kimi nko nyinte sörömu möngot kwen, otini kikïwaghach kegh ripï, kïkut kontinekwa akïtïgh törenichay kötïng chane.

KIRWOKÏ 7:21

Kughyö chi anka tïkwïl ompö pïchay kiwit möngonay kïmïkul. Kupertoy pïchay pö Midyan akïmi kuteghyotoy.

1 SAMWEL 11:11

Nyini le tökwoghö asisto odeny, kïtat Saulö pikachi kïpeghategha söpïchis sömök, akupokyï möngo pipö Amon nyini le kiwasan, akïpar chane ntökughyö asis. Ketoytoyö cho kingötï kïkuroteghö kegh moryönö.