KIRWOKÏ 3:27 - PIPÏLIA

²⁷ Nyini kitïta wölini kukik ompö komoswo pipö Epraim, kïpka pipö Israel kïrökunö komos nko nyinte, akimi kuntöghoghchini chane.

KIRWOKÏ 3:27 ပူးပေါင်းရင်းမြစ်များ

2 SAMWEL 20:22

Kïwö kokonay akïmwochï pich löwïr kïgh nyo kitat nyinte ompö ngöghomnyenyi kesil möt pö Syepa wero Pikri akewirchï Yoap kungïr nayatu kanasyan. Kïkut Yoap kontï, kïnget pich akïpa kestonikwa. Kïmïla Yoap Yerusalem wölo mi pöytoghintö.

2 PÖYTOGHÏ 9:13

Kukorkorchï panini yetïntinechay sïrokökwa ngwïny otini kimi nyinte atökïtïkata akïkut kontinekwa akuteghyö lö, “Pöytoghin Yeu!”

NEEMIA 4:14

Atolapay olenchan chönökopïr nko yetïntin nko pich löwïr, “Mawagh chane, anana ECHOTYON nyo awes nyo pö otyogh ato poryechinö werkökwo nko monekwo nko korukwo nko kestonikwo.”

YOSWÖ 17:15

Kïlenchï Yoswö chane, “Ato poro katankwa ape nyu orösö wölo le wuw ompö koro pipö Peris nko Repaim, ompöwölo mïnïng koro kamaspa Epraim, melö ghömokwa.”

YOSWÖ 17:18

wölo lïku nyinkwa koro kamas, kïrkegh kö wuw. Orösekwa acheng ntökwitïta rotyot söröm nko söröm, ayonekwa pipö Kanan, kïrkegh kïtïng nkarino karïn akï kïrkegh kï owesöch chane.”

KIRWOKÏ 10:1

Otini kima Apimelek, kïpusyï Tola wero Pua nyo kile wero Dodo nyo kisörï Israel. Ki chi nyinte nyo pö ara Isakar nyo kimöngöy Syamir koro komoswo Epraim.

KIRWOKÏ 17:1

Kimi chi akong osiswechoni nyo kimöngöy koro komoswo Epraim nyo kikuro Mika.

KIRWOKÏ 19:1

Kimi osiswechoni chi pö Lawi nyo kimöngöy le ton koro komoswo pö Epraim, akimöminye pöytoghintö Israel. Kip chichoni korka nyo kimi kanasyanta Petleem nyo mi Yuda kïlïkwï chemïnïngwenyi.

KIRWOKÏ 3:26

Kurïp Eud otini kimi mötworichay kïköngisïyi, kuwerata wölay kimi körkeyïntinö akurïpchï wölnö le Seira.

KIRWOKÏ 5:14

Kipkana chane kanasyanta Amalek nyo mi koro Epraim kïrïpunyi, Penchamen nko pikökwa. Kïrökunö wowïntino Makir, Akïpkana walaka Saplon cho kile kintöghoghï.

KIRWOKÏ 6:34

Wölo kungwïnchï Mïkulöwu ECHOTYON Kidyon, kïkut kontï akïkur pipö ara Apieser kïrïp nyinte.

KIRWOKÏ 7:24

akïyonta Kidyon pich kïpusta komoswo Epraim, akïlenchï, “Orökunö atoporyeghenö pipö Midyan, anyagh tagh osyep ompö lalwa Yordan nko akodetiskachi ntökwit champilwoy pö Petpera.” Kïlenyona kïtuyö tïkwïl pipö Epraim akïcheng kore ntökwit Petpera nko lalwa Yordan.

1 SAMWEL 13:3

Kirïnta Yonatan lïko pipö Pilisti nyo kimi Kepa, kïlïm pipö Pilisti ngalechoni. Kïlenyona kïyonta Saulö pich cho kikutotoy kontin kïghömï koro Israel kïmïkul, kïkur pipö Eprania kïpa poryot.