KIRWOKÏ 20:26 - PIPÏLIA

²⁶ Kïpa nyu pipö Israel löwïr kïpusta kutang Petel, kïtïpï atoni ngwïny akïriryö ompö tawu ECHOTYON asisoni kwimön amamcha kïgh. Kïropchï amörostin ECHOTYON cho kïpelöy nko ropöwo kalya.

KIRWOKÏ 20:26 ပူးပေါင်းရင်းမြစ်များ

TOWUNÖT 28:19

Akïkurö atoni Petel, wölo kikuro kaynata kanasyantanoni atokile tagh Lus.

2 SAMWEL 3:35

Kïpka pich kïsaghsagh Daudi atökwam omisyö, wölo kuwalwal Daudi lö, “Nya kïtïghanïn Tororöt ato aman makatyan anta kïgh anka tïkwïl kïtomö kïröytö asis!”

2 OTÖPTINO OSIS 20:3

Kuwöghisyö Yeosyapat, akïtep ECHOTYON kingörokut, akïmwatïta kïkïrur pich löwïr ompö koro Yuda kïmïkul.

ESRA 8:21

Amwatïtan kekïrur ompö lalwa Aapa tökerïngacha kegh ompö tawu Tororötïncha akesagh nyinte kuntöghoghwecha nko monecho nko tïkucho löwïr.

YEREMIA 36:9

Ompö arawa mut nko angwan nyo pö könyi mut nyo pö paytaghpa Yeoyakim wero Yosia, pöytoghinto Yuda, kïmwa pipö Yerusalem nko Yuda löwïr cho kipka Yerusalem lö kïruröy chi anka tïkwïl ompö tawu ECHOTYON.

YOEL 1:14

Mwatïtena kekïrur kïrurat nyo tïlil okurtenö tuyot nyo tïlil! Aghamïta kintöghoghï nko pipö Yuda löwïr kïpa Kö pö ECHOTYON Tororötïnkwa atökïrirchï nyinte.

YOSWÖ 24:1

Kïghamït nyu Yoswö ortïna pipö Israel löwïr ompö Syekem akïkur poy nko kintöghoghï nko kirwokot nko wowïntino pipö Israel akughyongö tawu Tororöt.

YOSWÖ 7:6

Kïkarer Yoswö nko poyi Israel sïrokökwa akutö mötöwekwa terïtyon kuporï nyarïltangwa akïwirchï kegh ngwïny ompö tawu Santuku Muma* ECHOTYON ntökwimön.

KIRWOKÏ 20:18

Kïnget pïchay pö Israel kïpusta kutang Petel akïpa kïtep Tororöt lö, “Ngo ompö acha cho nyoghöy kïporyegho pipö Penchamen?” Kuyokyï ECHOTYON lö, “Pipö ara Yuda cho nyoghöy.”

KIRWOKÏ 20:25

Kïpkana pipö Penchamen kanasyanta Kipea asisto odeny, akïpar pipö Israel 18,000 cho kiporyegho chokon.

KIRWOKÏ 21:2

Kïpa pïchay pö Israel Petel akumpur tawu Tororöt ompö atoni ntökwimön, kuteghyö akïriryö ompö ngwonïn,

KIRWOKÏ 21:4

Otini le kiwasan, kïtek pïchay ato kïpelo amöros akutöteghö amörostin cho kïpelöy nko ropöwo kalya.

1 SAMWEL 11:4

Nyini kit pïchay Kipea koro Saulö, kïmwatïta ngalechay, kuteghyö pich akïriryö.

1 SAMWEL 7:6

Kïlenyona kïnyoryeghö Mispa löwïr, akïram pögh akïmïlchï tawu ECHOTYON, kïkïrur asisoni chane, akïlö, “Kikeghchicha ECHOTYON ngokï.” Kurwokyï nyu Samwel pipö Israel ompö Mispa.