KIRWOKÏ 2:17 - PIPÏLIA

¹⁷ Wölo kïrkegh kïlenyoni melö kitökïterchï kirwokikwa. Kilïkwï pipö Israel kalomak akïrïp tororötin walaka akïkïtïngchï, kimasta chane akïpïstö or nyo kirïpöy papotïnekwa cho kirïpöy kirurut pö ECHOTYON, amelö kitökwigh chane lenyoni.

KIRWOKÏ 2:17 ပူးပေါင်းရင်းမြစ်များ

TUMWÖY 106:39

Kisïmnyon kegh chane ompö ighisyewutkökwa akïlïkwï cho meghönote ompö Tororöt, le cheporestin.

TUMWÖY 106:43

Kisörï Tororöt pïchoni kïnyïl cho chang, wölo kïkïl kïpeny kirurutkachi, kïtasa kïyetï tya ghöyityengwa.

TUMWÖY 73:27

Kinyoröy pich cho lowöch nko nyi nyo mötïny. Iwongenyi pich löwïr cho wökinyi.

WUWÖT 32:8

Köwöghökisyö chane lawel kïpa kamas ompö aranay komwochan chane, keghchï kegh mogh nyo kakïpel akïsagh akutö amöros akïlö, ‘Nyï kï tororötïncha, we Israel, nyo kimïtunenecha koro Misri!’ ”

YEREMIA 3:6

Ompö osiswo paytaghpa pöytoghin Yosia, kilenchanïn ECHOTYON, “Ayo, kesïwenyi kïgh nyo kegh Israel nyo poru lö melö ghanate? Köpïstanïn akïwechï kwigh cheporesnan ompö komos nko ghïtwo pö ket cho nyörilöch sökö!

YEREMIA 6:16

Lentöy ECHOTYON, “Oghyongenö ato keryama ortïna, atopöntö, atepa keporwok ara könyisyok nyo karam. Arïpakwa nyu aranoni topöghisyenö ompö kalya. Wölo kölö chane, ‘Ewo, mökïrïpechanye aranoni.’

OSEA 2:2

Monechu, ogheghchinö yongwo ogheghchinö yongwo ompöwölo melö tökïkorkenyan nyinte amelö tochan santenyi. Ogheghchinö tökïpïstö kilomatanyi nko cheporesnanenyi.

LAWIN 17:7

Atömökïpörchini chane amörostinekwa oy akwighchï ECHOTYON nyo gha. Lïku nyete kirurut nyo pö kokay ompö pïnwöyikwa.

AMOS 2:4

Lentöy ECHOTYON, “Melö oyodeghonan Yuda sitöt ompö ghöyitwokachi cho pö kïnomnyö ompöwölo kitagh chane kirurut pö ECHOTYON amelö kitökïrïp ngalechi. Wölo kipot chane tororötino putintön, tororötin cho kipöghisyechï papotïnekwa.

KALATIA 1:6

Kotöngönchokwa otï kapenyakwa lawel nyinte nyini kikurchokwa pöropcho Kristo, arïp lökoye walaka cho sis.

KINONO KIRURUT 31:16

Kïlenchï ECHOTYON Musa, “Karich wïyönyi rïwö nko kukötineku, otini melö temitenönyi, wöghökisyot pïchï akïsagh tororötine walaka cho mi koronini karich kïlït. Pïstonanïn chane akïpeny mumenyan nyo kyaman nko chane.

KINONO KIRURUT 31:18

Owïngan kegh nyoman asisoni, akwompö ghöyityengwa nyo kigh chane, otini kiwöghökisyö akïsagh tororötine walaka.

KINONO KIRURUT 9:12

“Kïlenchanïn ECHOTYON, ngeta wïyö lawel, ompöwölo kikunyorisyö piköku chay kimïtunenyi Misri. Kamasta kïnyini lawel kïpïstö arananya kyomwochan chane. Keghchï kegh körkeyïn.

KINONO KIRURUT 9:16

Asïwan lö kyoghchikwa ngokï ECHOTYON Tororötïnkwa. Kyaghakwa körkeyïn pö mogh nyo kikitany, owöghökisyö lawel ompö arananya kimwowokwa ECHOTYON arïpa.

YOSWÖ 24:24

Kïlenchï pïchay Yoswö, “Kïpöghisyechinecha ECHOTYON Tororötïnyo aketerchï ngalechi.”

YOSWÖ 24:31

Kïpöghisyechï nyu pipö Israel ECHOTYON ompö osiswo Yoswö löwïr nko ompö osiswo poy löwïr cho kidong lötu Yoswö akinkït kïgh anka tïkwïl nyo kighchï ECHOTYON pipö Israel.

KIRWOKÏ 2:7

Kïpöghisyechï pipö Israel ECHOTYON ompö osiswo Yoswö löwïr, ompö osiswo poy cho kidong lötu Yoswö akisïwa kïgh anka tïkwïl cho kighchï ECHOTYON pipö Israel.

KIRWOKÏ 8:33

Otini kirapas Kidyon, kïwöghökisyö ngat pipö Israel lawel kïlïkwï kalomak akïsagh Paal.* Kwigh Paal Muma kïlïkwï tororötïngwa.

1 SAMWEL 12:12

Otini kyasïwekwa Naas pöytoghinto pipö Amon lö kingwïn kïporyeghonokwa ataghakwa ECHOTYON alekwa, ‘Kïmököy pöytoghin nyo pöytenech,’ akwanyï otïngökwa ECHOTYON Tororöt nyo le pöytoghintenkwa.

1 SAMWEL 12:17

Olentan osiswo pekat chete nya? Wölo osoghan ECHOTYON kïkonï tïlöt nko rop, atonkïtunökwa lö echön ngokï cho kyoghchikwa ECHOTYON, otini kyatepakwa nyinte lö kïmököy pöytoghin.”

1 SAMWEL 12:19

Kïlenchï pïchay löwïr Samwel, “Sagha ECHOTYON Tororötïngu akwompö acha, atömökïmeghöcha, ompöwölo kakïtasacha ngokicha ketep pöytoghin.”