KIRWOKÏ 19:20 - PIPÏLIA

²⁰ Kïlenchï pontonay, “Ochikwa tokote ompö konyan, anyorukwa kïgh anka tïkwïl nyo omökekwa, wölo merï sany.”

KIRWOKÏ 19:20 ပူးပေါင်းရင်းမြစ်များ

1 OTÖPTINO OSIS 12:18

Kïngölonchï mïkulögh Amasay nyo kile kintöghoghinto pïchay le tömönut sömök, kïlö, “Kïchicha cheku Daudi wero Yese! Inyorï köromnyo nko pich cho ngörokinyi, ompöwölo mi Tororöt nko nyi.” Kïtach Daudi chane akwigh kïlïkwï yetïntino pikachi pö lïk.

YOANA 14:27

“Kopïswokwa kalya, okonokwa kalyenyu. Mokonunanye le wölo konu ngwïnya. Makany kusus kegh mïkuliskökwo, amonyökoröchitu.

RUMI 12:13

Angarak pipö Tororöt ompö möchutkökwa, atach to ompö kestonikwo.

1 KORINTO 1:3

Nya kïkonokwa Paponyo Tororöt nko Echotyon Yeso Kristo pöropchö nko kalya.

KALATIA 6:6

Nya kupar chi nyo kinetöy ngölyonto Tororöt tïkwïn löwïr cho karamach cho tïng nko konetintenyi.

EPRANIA 13:2

Mowutyeghö takata to ompöwölo, kigh pikö walaka lenyoni ntökïtach malayken, amenkïtcha.

1 PETRO 4:9

Atach kegh akwane ompö kestonikwo amongwïrngwïronchö.

1 YOANA 3:18

Monechu, merokonye keporunöcha chomnyenyo ompö ngal nko ngalanat pat. Mïchini kïlïkwï nyincha chomnyogh nyo pö man nyo kïsïwïyegho ighisyewut.

KIRWOKÏ 6:23

Wölo kïlenchï ECHOTYON nyinte, “Pöghisyö. Mewöghisyö, melö imeghenyi.”

1 SAMWEL 25:6

Omwochinekwa nyinte lö, ‘Nya kïtöpö pöghisyö nko nyi nko kongu nko tïkuku löwïr.