KIRWOKÏ 17:5 - PIPÏLIA

⁵ Kitïng Mika wölo kisogho tororötinechi, kïwechï kwigh epod* nko körkeyïntin, akïkïl werïnyi akonga kïlïkwï tïsintenyi.

KIRWOKÏ 17:5 ပူးပေါင်းရင်းမြစ်များ

TOWUNÖT 31:19

Kökiwö Lapan atoni kïmut puteko kechiryechi, kïnyorï Rael pöroyïn nyo kichor tororötineko kwanta cho kile körkeyïntin cho kimi konyi.

TOWUNÖT 31:30

Onkïtön lö kerïpönyi ompöwölo kaminyi emö katangwo, wölo kilö ne techorenaninyi körkeyïntineko tororötinechan?”

1 PÖYTOGHÏ 12:31

Kïwechï tïkwïl Yeropoam kïtek wölo kïsogho wölo le kutïngkot akïkïl tïsï ompö ortïn walaka cho melö pö ara Lawi.

1 PÖYTOGHÏ 12:32

Kuyomis pich löwïr Yeropoam kïrip asis nyo wow nyo pö saghat ompö asispa taman nko mut, nyo pö arawa mut nko sömök, kïle wölo kilata otöptino pipö Yuda. Kutötö Yeropoam amörostin asisoni wow kikïtuyegho kanasyanta Petel nyo kïsoghöy moghechay pö koltin kwigh nyinte, akutö tïsï Petel cho kipöghisïyi ompö atay kïsogho kitek nyinte.

ESRA 1:7

Kïkonï Sayras tïkwïl kari Kö pö Tororöt cho kicheng pöytoghintö Nepukadnesa ompö Yerusalem akïwö kutö koto tororötinechi kegh.

WUWÖT 24:5

Akïyonta karachïna kïpa kïpel amöros akutötö eghin kïlïkwï ropöwo pöghisyö ompö ECHOTYON.

WUWÖT 28:15

“Inöpchinenyi sïra takat nyo pö kirwok, ompö ighisyo nöpin nyo karam, inöpenyi le napata epod, akïkarkegh tïku cho kikigha.

WUWÖT 28:4

Nöpöy chane sïrochï: kalacha nyo ngïru takat nko epod* nko sïra nyo kogh nko koti nyo karam nko sïra möt nko angwa mu. Nöpchini chane werïnkwa Aron sïro cho tïlilöch nko werkachi atökïpöghisyeghwanïn le tïsï.

WUWÖT 29:9

airötyï Aron nko werkachi angwa mu ailokyï kopiyen, atökïlïkwï nyingwa tïsintön kokay. Lenye nyoni wölo itörortonyi Aron nko werkachi tökïpöghisyewanïn.

ISAYA 44:13

Chengöy ket kipötinto mpawtin akupim, atolapay kukud kïkarkegh nko körkeyïn pö chi, körkeyïn nyo pïchigh nyoman akutö konyi.

ESEKEL 21:21

Ghyongo nyu pöytoghinto Papilon atay kisocheghö ortïna akusasak kotichi akïtep körkeyïn Terapi akuros kwanyanta amöros tökunkïtï lö onö wölo töngöy nyinte.

ESEKEL 21:26

Omwoghan ante Echotyon TORORÖT lö, ngwïsa kopiye nko tenta. Melö tökïlata ngala chay pö su. Syolö nyona mi to, aireyteghö nyona syolote!

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

OSEA 8:14

“Ompöwölo kikïwityeghö pipö Israel ighintengwa, akïtekyï kegh korïn echön. Kïtek Yuda kanastin cho chang akuyokir nyoman, wölo oyokyinan ma kanastinechi, nyo pelöy kuwonyö wölona tigho kegh.”

KIYITUT 3:10

Ikïlenyi Aron nko werkachi opïn kwigh ighisyo tïsintön, wölo atorikï chi anka kepöröy.”

EPRANIA 5:4

Möminye chi nyo ighöy kegh nyinte kïlïkwï Tïsin nyo Wow,* kïpoto kuröto Tororöt nyo ighöy chi kïlïkwï Tïsin nyo Wow le Aron.

KIRWOKÏ 17:4

Wölo kuyokyï kame ropïyenichay, kïcheng kame cho le 200 akutö kitongin, kwigha körkeyïn nyo kitongöy, akuluma silpa aketö kö pö Mika.

KIRWOKÏ 18:14

Atolapay kïlenchï pïchay le mut kipa kïghot koronay pö Lais werkökwa, “Eonkïtökwa köny lö mito kö akong ompö korichete nyo mito körkeyïntinö: epod* nko körkeyïn nyo kikipat nko körkeyïn nyo pö silpa? Kïlenyona anane ye nyu kïgh nyo mïchinokwa oghe.”

KIRWOKÏ 18:24

Kïlö Mika, “Akwa cho kapkan acheng tororötinechan cho kyaghan nko amït tïsinte tïkwïl, kïtökïne nyu nyo köngötwanïn? Kwompö ne tolenchinanïkwa, ‘Kamïnyi ne?’ ”

KIRWOKÏ 18:30

Atolapay kutö pipö Dan atoni körkeyïntin cho kikipat. Kïlïkwï Yonatan wero Kersyom wero Musa nko werkachi tïsi pipö Dan ntökïtenö keranga chane korengwa kïlïkwï pïnot.

KIRWOKÏ 8:27

Kwigha Kidyon körkeyïn karichoni pö koltin akutö kanasyantenyi nyo kimi Opra. Kïlïkwï pipö Israel kalomak akïsagh körkeyïntin, kïlïkwï nyoni ngöghöp ompö Kidyon nko piko konyi.

1 SAMWEL 19:13

Kïcheng Mikal körkeyïn, akutö pöröy akïmaman sampu puto ngaror akutö möt akuyen sïro.

1 SAMWEL 23:6

Kip Apyatar wero Aimelek epod* otini kiperta kutang Keila wölo mi Daudi.