KIRWOKÏ 10:16 - PIPÏLIA

¹⁶ Atolapay kïlasta pïchay pö Israel tororötinechay pö tontön akïsagh ECHOTYON. Kusus nyinte nyarïl nyo kitïng pipö Israel.

KIRWOKÏ 10:16 ပူးပေါင်းရင်းမြစ်များ

TOWUNÖT 6:6

Kïlenyona kïlangany ECHOTYON ompö mïkulöwunyi akïlö opï oghchine ptangengmöt ngwïny.

2 PÖYTOGHÏ 13:23

wölo kusyonchï ECHOTYON chane. Melö kipïsyï pipö Sirya kïpar chane, kingarak chane ompöwölo kyam muma* nko Apraam nko Isak nko Yakopo. Melö mököy nyinte kïpïstö pikachi kewany anta wutyeghö chane.

2 OTÖPTINO OSIS 15:8

Nyini kilïm Asa ngalechoni pö werkoyon Asaria wero Oded kïnyakanit, akuwurta tororötin walak ompö koro Yuda kïmïkul nko Penchamen nko ompö kanastin cho kikikïpörï nyinte ompö kutïngkoti koro Epraim. Kigh akïtek ngat ato kïpelo amöros pö ECHOTYON nyo kimi tawu Kö pö Tororöt.*

2 OTÖPTINO OSIS 33:15

Kunategha tororötino pipö punton nko körkeyïntin cho kimi Kö pö Tororöt akunategha ato kïpelo amöros löwïr, cho kitekyï nyinte kutïng pö Kö pö Tororöt nko Yerusalem akï wirta kïwirchï sanypa kanasyan.

2 OTÖPTINO OSIS 7:14

Ato rïng kegh piköchan cho kïkurtegho kaynenyan akïsagh akïyaranïn akïpïstö otöptinekwa cho ghach, olïman nyu ompö yïm alöstoghchan ngokikwa asopön korengwa.

TUMWÖY 73:21

Kyochan sölwö le kech, otini kingwanit mïkulöwunyan, alïmchan ngwonïn söpontanyu. Melö kyonkïtunyi nyonikïny!

ISAYA 63:9

nyarïltangwa. Melö ki malaykayan, wölo nyinte ECHOTYON nyo kisörï chane. Kisörï chane ompö chomnyenyi nko ompö kisyonötenyi. Kiripöy nyinte chane ato le tagh kïnomnyö,

YEREMIA 31:20

Melö so werïnyan Israel nyo le chaman? Montönyan nyinte nyini ochömonan kegh. Nka nyay mowutyeghenanye nyinte kïrkegh akutan. Soröy mïkulöwunyan wölo mi nyinte ompö köromnyö Osyonchinan nyinte nyo mötïny. Mwoghöy ECHOTYON.

OSEA 11:8

Opïröneninyi lö ne nya Epraim, apïsteninyi lö ne nya Israel? Omukan lö ne taghinyi le wölo kyadan Adma, anta aghinyi lö ne le Sepoim? Möchömönye mïkulöwunyan kokay ngalechoni akïmi kïyetu kisyonötenyan ompö nyi.

OSEA 14:8

Ayo Epraim, ne nyo kötedenenyi körkeyïntin nya? Akwani nyo oterunyi sowutköku akomöninyi. Alatan ket nyo iwuronenyi akungwïnonanïn kïgh anka tïkwïl nyo omenyi.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

LUKA 15:20

Nyini kinan lenyoni, kïnam pan kïmïla wölo mi kwanta. “Kïsïwa kwanta werïnyi kungwïnöy otini kitökïlow ompö katangwa. Kusyonchï akurïp kïtaroch akukonköy ompö ngörekyö.

LUKA 19:41

Kitas tagh Yeso kirich kanasyanta Yerusalem akwotini kisïwa kïlokyï ompö kisyonchin

YOANA 11:34

Kïtep chane lö, “Kotïpchikwa nyinte onö?” Kïlenchï, “Echotyon, nyonö rosa.”

EPESO 4:32

Osyonchinö kegh, alöstoghchï kegh lelutkökwo le wölo kilöstowekwa Tororöt ompö Kristo.

KINONO KIRURUT 32:36

Söru ECHOTYON pikachi otini kasïwa lö kewonyö owesyengwa. Syonchini pich löwïr cho pöghisyechini nyinte, otini kasïwa nyörkölölyo pïchoni löwïr.

EPRANIA 3:10

Ompö atoni nyu onörekyan pïnoni amwaghan lö, ‘Mostoy kokay kinonutkökwa akïtomöcha kunkïtï chane ortïnechan nyonikïny.’

EPRANIA 4:15

Ompöwölo kïtïngetecha Tïsin nyo Wow nyo muköy ntökungarakecha ompö nyörkölelyenyo, nka nyoni kikïtyam nyinte ompö or anka tïkwïl le acha, akimeghnye ngokï.

YOSWÖ 24:23

Kïlö nyu Yoswö, “Alastena tororötinechï le to mi kwenunkwa, akany kutang mïkulöwekwa wölo mi ECHOTYON Tororöt pö Israel.”

KIRWOKÏ 2:18

Akwompö osis lapay cho kitö ECHOTYON Israel kirwokin, kungarak nyinte kirwokintononi atö kïsörunö chane pungkökwa ompö osis lapay cho kisöpöy kirwokintononi, ompöwölo kisyonchï ECHOTYON chane otini kiriryö ompö pich cho kichop kong akïpïr chane.

1 SAMWEL 12:10

Kïrirchï papotïnekwa ECHOTYON, akïlenchï, ‘Kikeghacha ngokï, ompöwölo kikïtaghacha ECHOTYON, akepöghisyechï Paaltin* nko Astarotin.* Wölo sörwecha ye nyu ompö mori pungköcha, atökepöghisyewuchanyi.’

1 SAMWEL 7:3

Kïlenchï Samwel pipö Israel löwïr, “Ato komïlonchekwa wölo mi ECHOTYON ompö mïkulögh akonga, anategha nyu tororötinechay le to nko Astarot* ompö kwenunkwa atang wölo mi ECHOTYON apöghisyechï nyinte onkït. Atökïsörunenok mori Pilisti.”

1 SAMWEL 7:4

Kwistö pipö Israel Paaltin* nko Astarotin, akïpöghisyechï ECHOTYON onkït.