KINONO KIRURUT 8:2 - PIPÏLIA

² Anan arananye kïmïkul kimïtunenokwa ECHOTYON Tororötïnkwa ompö könyis tömönut angwan ompö surkwen, atökwighekwa opö kegh ngwïny. Akïtyamakwa, atökunkïtï wölo lata mïkulöwekwa lö ochömekwa orïpe kirurutkachi nya anta ewo.

KINONO KIRURUT 8:2 ပူးပေါင်းရင်းမြစ်များ

TOWUNÖT 22:1

Kïkany kuwer osiswö cho te, kïtyam Tororöt Apraam kïlenchï, “Apraam!” Kïngitön lö, “Yoy!”

2 OTÖPTINO OSIS 32:31

Otini kiyokwï pöytoghi Papilon pich kïpka kïtep nyinte ngala töngöchin nyo kigha ompö korononi, kïpïstö Tororöt nyinte onkït kïkarkar atökunkïtï kïgh anka tïkwïl nyo mi mïkulöwunyi.

2 OTÖPTINO OSIS 33:12

Otini kimi Manase nyarïl kwen, kïyar pöropcho ECHOTYON Tororötïnyi akïrïny kegh nyoman ompö tawu Tororöto papotïnechi.

2 OTÖPTINO OSIS 33:19

Kïkany sowutkachi nko wölo kiterta Tororöt somötenyi nko ngokichi löwïr nko wölo kipïsteghtö kighanatenyi nko onkuninö kitekta wölo kïsogho körkeyïntin akupintit Asyera, tororöt nyo le korka nko körkeyïntin, atanya kitomönye kïrïny kegh Manase ompö tawu Tororöt, kukirote kitapu otöptino werkoy.

NEEMIA 9:19

Wölo melö kipïstenyi chane ompö surkwen ompöwölo wow kisyonötengu. Amelö kinaka chane pchöri polta nyo kintöghoghchini chane ompö or pöghet nko pchöri ma nyo kipköngchini chane or oghö.

AYUPU 33:17

atömanyïl kïwaghach chi kïpïstö ighisyenyi nyo gha akulowitö nyinte menotön.

TUMWÖY 103:2

Sölöy söpontan ECHOTYON, amewutyeghö tïkwïn cho karamach cho kikwigh.

TUMWÖY 106:7

Melö kiyang papotïnecha ighisyewut pö Tororöt cho pö töngönchin otini kimi chane koro Misri. Kiwutyeghö lö kisyonchï nyinte chane ompö chomnyenyi nyo pö kïtenö, akïpeny ngala nyinte nyo Töror Tya ompö sörömu Nanam nyo Pïrir.

TUMWÖY 136:16

Kintöghoghchï pikachi kuwer surkwen, töpo chomnyenyi kokay.

TUMWÖY 77:11

Ononan ighisyewutköku, we ECHOTYON, mi mötïnyan töngönchin cho kighanyi könyisyok.

TUMWÖY 81:7

Kyokuranïkwa ompö nyarïl osörwokwa. Kyongitönwokwa ompö tïlöt ompö wïngat. Kyatyamenokwa kori pöghoni Meripa.

WUWÖT 15:25

Kïrirchï Musa ECHOTYON, kuporchï ECHOTYON nyinte ket, kïwirchï ketay pögh, kwonyïnitu pöghechay. Kutö ECHOTYON kirurut akïtyama chane atoni.

WUWÖT 16:35

Kwam pipö Israel mana ompö könyis tömönut angwan, ntökwit rotyot nyo pö koro Kanan.

WUWÖT 16:4

Kïlenchï ECHOTYON Musa, “Oropönwokwa makatin kïpkana yïm akïkwöghöy pich cho mïchini asis akonga, atö atyaman chane lö, ekïrïpöy chane kirurutköchan nya anta ewo.

WUWÖT 20:20

Kïlenchï Musa pïchay, “Mowöghisyö, kengwïn Tororöt kïtyamakwa, atawaghakwa nyinte atömaghakwa ngokï.”

NGÖTÏNYÖ 17:3

Kïtyömo ma koltin nko silpa, wölo työmöy ECHOTYON mïkulis.

ISAYA 2:17

Kiwongöy asisoni kwolöto chi, akewur menöto ptangengmöt: lïku nyu ECHOTYON onkït nyo kïsölöy asisoni,

YEREMIA 2:6

Mötepönye kegh chane ompö lö, ‘Mi onö ECHOTYON nyo kisörunenecha koro Misri, akuntöghoghwecha ompö surkwen, ompö koro pekat nko ngötutöy nko tuwïn nyo wow, kor wölo mewerönye pich amöminye chi nyo möngöy?’

ESEKEL 20:19

Ani ECHOTYON nyo ochï Tororötïnkwa, arïpa kirurutköchan nko kiyomisutköchan.

AMOS 2:10

Kyopunekwa koro Misri, antöghoghwokwa könyis tömönut angwan ompö surkwen tachenga koro Amori kïlïkwï nyingwo.

KIYITUT 14:33

Lïku monekwa mösöw ompö surkwen könyis tömönut angwan akuwongu ompöwölo kimotïngetekwanye kighanat, ntökïtenö kïma nyo pö söröm ompö akwa.

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

YOANA 2:25

Akimötïngnye machat lö tömwowon chi ngaleko pikö walaka, ompöwölo kinkït ngal lapay cho kinonöy pich.

KINONO KIRURUT 1:3

Kïmwochï Musa pipö Israel ompö könyi 40 arawa taman nko akonga ompö asispa tagh kïgh anka tïkwïl nyo kiyomis ECHOTYON nyinte kïmwochï chane.

KINONO KIRURUT 1:33

nyo kiporwokwa wölo otekyini emenikwo. Kintöghoghikwa oghö ompö ma atasïwena wölo le ore, akuntöghoghwokwa ompö polta.

KINONO KIRURUT 13:3

mater ngalechi. Ompöwölo työmokwa ECHOTYON Tororötïnkwa, atökunkïtï lö, ochömekwa nyinte ompö mïkuliskökwo kïmïkul nko ompö söpontönkwa kïmïkul anta ewo.

KINONO KIRURUT 2:7

“ ‘Ompöwölo kesoyön ECHOTYON Tororötïnkwa ighisyewutko ewunekwa löwïr, nkït nyinte wölini kapesteghekwa surkwenete wow. Kimi nko akwa ECHOTYON Tororötïnkwa ompö könyiswechanye le tömönut angwan amelö kimi kïgh nyo kirörchokwa.’

KINONO KIRURUT 29:5

Kintöghoghwokwa ECHOTYON ompö surkwen könyis tömönut angwan amelö kiwïryö sïrokökwa anta kweghkökwa.

KINONO KIRURUT 32:7

“Anane ye osiswo köny, aros pïnwöy cho kikuwer, atepe papotïnekwo atökuporwok, akïtö poyikwo atökïmwowok.

KINONO KIRURUT 7:18

Maway chane. Anan lasiny kïgh nyo kighchï ECHOTYON Tororötïnkwa Parao nko pikachi.

KINONO KIRURUT 8:16

Kipaghenokwa nyinte mana nyo melö kinkït papotïnekwa atökïtyamakwa, atökwighwekwa nyo karam ato le löt.

YAKOPO 1:3

Ompöwölo onkïtökwa lö ato alotakwa ompö kighanatenkwa, sörömunyi onyorunekwa mïkukönöt.

YAKOPO 4:10

Arïnga kegh ompö tawu Echotyon atökïsyolok nyinte parak.

YAKOPO 4:6

Wölo wow tya pöropchö nyo konu Tororöt, kïle wölay mwoghöy Kikirut lö, “Reyöy Tororöt pich cho le menot, wölo töni pöropchö pich cho tölose.”

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

NGONGUT 2:23

Opöran pich löwïr cho le rïpankachi atökunkïtï kanisen löwïr lö onkïtön kinonut pö pich löwïr nko mïkuliskökwa. Oghokyinan chi anka tïkwïl ompö chane kïrïp kegh nko ighisyewukachi.

KIRWOKÏ 2:22

Opöghisyeghonan chane atasïwan lö ekïrïpöy pïchï pö Israel ortïnechan anta pïstoy le papotïnekwa.”

KIRWOKÏ 3:4

Kïpïstö pïchoni atö ketyam pipö Israel ompö chane, atö kumï kunkïtï lö ekïrïpöy kirurut pö ECHOTYON cho kimwochï papotïnekwa kuwerï Musa.