KINONO KIRURUT 8:17 - PIPÏLIA

¹⁷ Mamwagh ompö mïkulöwekwo lö, kikonecha owesyenyo nko kimukateto moricho sïkönötonï.

KINONO KIRURUT 8:17 ပူးပေါင်းရင်းမြစ်များ

AYUPU 31:25

Ayo, kyongörökyan so sïkönötenyan nyo wow, anta kyomenön lö könyorï ewunechan tïkwïn cho chang?

TUMWÖY 44:3

Melö kirïntegha piköku owesyeto chokonikwa amelö kirïnta chane ompö owesyengwa kegh. Kirïnta chane ompö owesyengu akinkït lö, kimitenyi tïkwïl, ompöwölo kichamanyi chane.

OMTOGHIN 3:6

ato kïnyoru nka ato melö kïnyoru, ato kïroröy nko ato kïwirtoy,

OMTOGHIN 9:11

Asïwan ngat ompö ngwïnyinï lö melö pö kirïpötö pich cho pïrtït amelö pö poryot pich cho owesöch anta pöyit omisyö pich cho ngöghomöch anta pöyit sïkönöt pich cho chïreröch anta pöyit chömchin pich cho le tïngan, wölo ngwïnchini asis nko pöroyïn chane löwïr.

YEREMIA 9:22

Kïlenchanïn ECHOTYON mwatïtena lö, “Kinyïghï wop tïkwïl mïntïruch, le pures cho kikitïkumchï paren, lata mopö ompö par ato kikel pagh amökïminye chi nyo tökïyongöy.”

ESEKEL 28:5

Kitasa sïkönötengu nyoman ompö ngöghomnyengu nyo wow ompö mïnchïrïsnön. Atolapay kïkwol nyu kegh mïkulöwungu ompö mökosyengu.

DANIEL 4:27

Kïlenyona, we pöytoghin, rïpa kirurutyenyan. Pïstenö ngokï aigh man aisyonchï pich kikïpïr. Töptoy ana ketösunyi osiswo pöghisyö.”

DANIEL 4:30

“Arose wölo teno Papilon köny! Nyo kyatekan ompö kimukatenyan nko owesyenyan, kïlïkwï kanasyanta pöytoghin ompö ororyo paytaghtanyan.”

OSEA 12:8

Kwolöy kegh, Epraim kïlentöy, “Nyo le ne, akyochan sïkön, kyoyörchan kegh mökosyenyu. Mi onö ghöyïn nyorchinan chi kïgh nyo le ngokï ompö sïkönöt nyo tenö nyï.”

APAKUK 1:16

Ropchini amörostin ompö akïpel körösyon nyo konyïto moyontinekwa le ato kö tororötin chane.

1 KORINTO 4:7

Ngo nyo keghinyi wowitunenö pikö walaka nya? Melö so Tororöt nyo kikoninyi tïkuchoni löwïr itïngetenyi? Ato lenye nyoni, kwompö ne tekwolenyi kegh le ato melö ropöw tïkuchoni itïngetenyi?

KINONO KIRURUT 7:17

“Mamwagh ompö mïkuliskökwo lö, ‘Chang puntonichï kïtïlecha. Mökimukechanye keyone.’

KINONO KIRURUT 9:4

“Amotöp ntolö otini kayon ECHOTYON Tororötïnkwa chane lö, kökonecha nyinte koronete kechenga ompö mantancha. Mölenye nyoni, kayon ECHOTYON chane ompö ghöyityengwa.

KIRWOKÏ 7:2

Kïlenchï ECHOTYON Kidyon, “Chang tya pïchï imitenyi tïkwïl nyo mochömanye otöni chane kïrïnta pipö Midyan, atö mökwol egh pipö Israel asïyech lö, ‘Kakïsörï kegh.’

1 SAMWEL 2:7

Konu ECHOTYON meywontön akïkonu sïkönöt, reytegho akutoteghu.

1 SAMWEL 30:23

Wölo kïlö Daudi, “Merokonye kegh lenyoni werköcho ompö kïgh nyo kökonecha ECHOTYON, ompöwölo köripecha nyinte akutö moricha lïkonay kingwïn kupokyecha.