KINONO KIRURUT 7:6 - PIPÏLIA

⁶ Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

KINONO KIRURUT 7:6 ပူးပေါင်းရင်းမြစ်များ

1 PÖYTOGHÏ 3:8

Omitan ye kwenu pich cho kikïlanyi kïlïkwï piköku kegh, pich cho chang nyoman, amelö mi chi nyo muköy ntökuyit chane.

ESRA 9:2

Kwip chane tipi pïchoni nyo kegh pipö Tororöt cho tïlilöch kukulkulyö kegh nko chane. Akï kintöghoghï nko kirwokot cho kenyorisyö tya.”

TUMWÖY 114:2

kïlïkwï Yuda pipö ECHOTYON cho tïlilöch, kïlïkwï Israel möngenyi wölo pöytegho.

TUMWÖY 135:4

Kikïlchï kegh ECHOTYON Yakopo, kilïkwï pipö Israel mïlatenyi.

TUMWÖY 50:5

Lentöy, “Aghamïtwanïn pikachu cho ghönote cho kyam muma* nko ani ompö amörostin!”

WUWÖT 6:7

Oghekwa alïkuna piköchan alïkwan Tororötïnkwa, tonkïtunökwa lö ochan ECHOTYON Tororötïnkwa nyo kyamïtunenekwa sekeynön ompö koro Misri.

ISAYA 41:8

“Wölo akwa pipö Israel, cho ochï mötworichan, ochikwa pich cho kyakïlakwa, ochikwa pipö ara Apraam, mötworintenyan.

ISAYA 41:9

Kyamïtwakwa apkanena kor wölo low tya, kyokurokwa apkanena söremwok pö ngwïny, alenchokwa, ‘Ochikwa mötworichan.’ Melö kyataghakwa wölo kyakïlakwa.

ISAYA 6:13

Kïrkegh köngötï chi akonga ompö pich taman ompö korononi, kïmöngötunye tïkwïl, le mïsïkyo ket pö oron anta lilwö nyo kökïtör wölo tökïmi tökïsöpöy mïsïkyenyi.” (Kimustoy mïsïk kösïghyon nyo pö kitoröt nyo rel nyo pö pipö Tororöt.)

ISAYA 62:12

Kïkurenokwa, “Pipö Tororöt cho tïlilöch,” akekuronokwa, “Pich cho kösörï ECHOTYON.” Kïkuro Yerusalem, “Kanasyan nyo kacham Tororöt,” akekuro, “Kanasyan nyo melö kipïstö Tororöt.”

YEREMIA 2:3

Kichinyi atoni, we Israel nyo tïlil ompö tawunyan, kilatenyi paghechan cho tagh cho pö ilö. Kilel anka tïkwïl nyo kiswanginyi akïnyorï nyarïl nyo wow.” Mwoghöy ECHOTYON.

ESEKEL 20:5

Atolapay ilenchï chane, lentöy Echotyon TORORÖT, otini kyakïlan pipö Israel, kyaman muma lö oporchinan kegh chane ompö Misri. Kyowolwolchan kegh chane lö ochan Echotyon TORORÖTïnkwa.

LAWIN 20:24

Wölo komwowokwa lö, ‘Omïtekwa kor nyo okonokwa kïlïkwï nyinkwa, kor nyo chang chö akï wow kumata,’ ompöwölo ochan ECHOTYON Tororötïnkwa nyo kyaghakwa asisituna nko pich walaka.

LAWIN 20:26

Alïkuna cho tïlilöch ompö ani, ompöwölo ani ECHOTYON, ochan tïlil. Ani nyo kyangotokwa asisituna nko pich walaka atalïkuna chichan.

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

MALAKI 3:17

Mwoghöy nyu ECHOTYON Kimuktoghin lö, “Lïku chane piköchan. Lïku pich cho kokïlchan kegh ompö asisoni kamwaghan lö owetöy oghöy kïgh. Osyonchinan chane le wölo syonchini papo werïnyi nyo pöghisyechini nyinte.

IGHISYEWUT 13:17

Kilöwön Tororöt pö pïchï pö Israel kukötinecho, akwigh chane kïlïku söpïch nyo wow atakinya kimi chane le to koro Misri. Kumïtuna Tororöt chane Misri ompö owesyenyi nyo wow,

RUMI 9:4

Pipö Israel chane, cho kikïl Tororöt kïlïkwï monechi akïngongchï ororyenyi akwam nyinte mumen nko chane akutö Kirurutkachi. Kikunkïtï chane saghata man akï chane cho kitach kiyomisut pö Tororöt.

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

KINONO KIRURUT 14:21

“Mam tyony nyo kama onkït. Omukekwa otönö ton nyo mi kestonikwa atökïnyorï kïgh nyo omöy anta olchï pipö punton walaka, ompöwölo ochikwa pich cho tïlilöch ompö ECHOTYON Tororötïnkwa. “Maghogha wawa cheko kame.

KINONO KIRURUT 26:18

Kachamakwa ECHOTYON asisete alïkuna pikachi kegh, kïle atakinye kiyomisokwa nyinte, akwanyï ye omisokwa nyinte oripö kirurutkachi löwïr.

KINONO KIRURUT 26:19

Atökutoteghenokwa nyinte kïtïl puntoni walaka löwïr cho kigh nyinte ompö salat nko ororyö akïsïch konyït. Atalïkuna pich cho tïlilöch ompö ECHOTYON Tororötïngwo kïrïp kegh nko kiyomisötenyi.”

KINONO KIRURUT 28:9

“Ato oripökwa kirurut pö ECHOTYON Tororötïnkwa, kwighwekwa nyinte alïkuna pikachi cho ngotot ompö nyinte lenyini kiyomis.

KINONO KIRURUT 33:3

Chömöy ECHOTYON pikachi, akï ghetöy kïlankachi. Kïlenyona kïrïpecha ngalechi aketerchï nyinte kirurutkachi.

KINONO KIRURUT 4:20

Wölo kisörunenokwa ECHOTYON mapa karïn ompö koro Misri atalïkuna pikachi kegh otï le ye.

KINONO KIRURUT 4:37

Akwompöwölo kicham nyinte papotïnekwa akïkïlakwa atolapay kumïtunenokwa koro Misri ompö owesyö nyo wow.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

2 PETRO 2:5

Kimesyonchïnye Tororöt ngwïny könyisyok, wölo kiyotyï puseryon nyo wow pich cho kimewöghönye Tororöt. Wölo kisörï Tororöt. Noa, nyo kyomtoy lö mïchini kïmöngisyö pich ompö ara man nko pikö walaka cho le mut nko odeny.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

1 SAMWEL 12:22

Kikuyomis ECHOTYON lö, möpïstonekwanye, ompöwölo kikïlakwa alïkunakwa pikachi kegh.